ANDRI Í SIGURLIÐI !!!!!! - Allt vitlaust í Grafarvogi

 Undur og stórmerki áttu sér stað í Reykjaneshöllinni í kvöld er Andri Steinn Birgisson, oft kenndur við Beckham fjölskylduna, enn oftar kenndur á skemmtistöðum og verður líklega kenndur sem kúrs við Mannfræðiskor Háskóla Íslands eftir frammistöðuna í kvöld, lenti óvart í sigurliði á æfingu, en leita þarf aftur til maí mánaðar ársins 1998 til að finna hliðstætt dæmi á knattspyrnuferli þessa dagfarsprúða Grafarvogsbúa.

 Andri Steinn fór gjörsamlega á kostum í kvöld og skoraði 2 fantagóð mörk í vægast sagt ótrúlega óvæntum sigri Vesti Athletic á Mislitum & Hove Albion, 4-3. Mislitir, sem skörtuðu stórstjörnum á borð við Húna Kjerúlf og Stefáni Flóvents og hafa ekki tapað leik á heimavelli í vel á fimmtánda ár, áttu sér aldrei viðreisnar er Andri Steinn hreinlega dansaði í kringum þá í allt kvöld.

  Þögn sló á Jóa húsvörð er lokaflaut hins serbneska og gjörspillta dómara Milan Jankovic gall, þar sem hann hreinlega neitaði að trúa því að Andri hefði verið í sigurliði. Hann stóð svipbrigðalaus sem steinrunninn fyrir framan inngang salarins og var þar enn er síðustu menn voru að yfirgefa svæðið um stundarfjórðungi fyrir miðnætti. Ekkert þýddi að reyna að ná sambandi við hann og neyddust sumir leikmanna til að skilja eftir verðmæti þau sem þeir höfðu fengið að geyma í afgreiðslunni, sökum þessa.

 Á meðan var Andri Steinn borinn grátandi gleðitárum samtals átta hringi í kringum völlinn á gullstól félaga sinna sem gátu ekki leynt furðusnortinni gleði sinni yfir þessum óvænta árangri, sem enginn hefði vogað sér að veðja á fyrirfram.

  Andri Steinn var að vonum sleginn að æfingu lokinni: "Ja, ég er bara enn að ná mér niður eftir þetta og veit eiginlega ekki hvað ég á að segja. Þetta bara féll fyrir mig í dag og.....já ,ég bara veit eiginlega ekkert hvað ég á að segja. Ég bara hreinlega trúi þessu ekki!!."

  En hverju þakkar Andri, sem greinilega átti erfitt með að leyna tilfinningum sínum, árangurinn?

  "Náttúrulega fyrst og fremst þrotlausar æfingar. Það er náttúrulega ekki spurning. Ekki get ég sagt að ég hafi aldrei misst trúna á að ég gæti endað í sigurliði því ég missti hana endanlega eftir að við töpuðum niður 2-0 forystu á þremur mínútum í lok síðustu æfingar. Það er kannski bara trikkið.....að missa trúna" sagði þessi geðþekki Grafarvogsbúi brosandi og blikkaði blaðamann hressilega áður en hann valhoppaði glaðlega í áttina að bíl sínum, blístrandi Dallas stefið. 

  Nýkjörinn borgarstjóri Reykjavíkur, Vilhjálmur Þ. Vilhjálmsson, lýsti því yfir í sérstöku hófi sem haldið var eftir æfinguna að hér eftir yrði 5. desember opinber frídagur í Grafarvogi. 

   Hins vegar verður 3 mínútna þögn við Stúdentagarðana.

 

  hbg@frettablaðið.is 

Athugasemdir

[Meistaraflokkur karla Grindavík, 6.12.2006 kl. 01:17]

Legg ég nú til að eineltið á Andra Steini verði lagt niður. Hann á það skilið eftir frammistöðuna í kvöld, þessi væni piltur.

Eysteinn 

[Sjö-an (IP-tala skráð) 6.12.2006 kl. 09:44]

Ótrúlegt, Andri fékk samt bara 2 í einkunn í fréttablaðinu.....

[Gunnar Már 1994 ;) (IP-tala skráð) 7.12.2006 kl. 14:43]

Til hamingju með daginn Óli Stebbi!

[Meistaraflokkur karla Grindavík, 7.12.2006 kl. 22:12]

Hamingjuóskir með afmælið, frændi sæll!!

Eysteinn 

[Denni (IP-tala skráð) 7.12.2006 kl. 22:13]

Til hmaingju með daginn Óli minn;)

[Nonni (IP-tala skráð) 8.12.2006 kl. 01:14]

Til hamingju með afmælið frændi;)....djöfull ertu að verða gamalll;)...heheh

[Eyþór Atli (IP-tala skráð) 8.12.2006 kl. 14:54]

Þetta er rosalegt!! Kallinn bara 31 í gær og maður fær ekki símhringingu um að það sé boðið í poker og bjór!! ISS, Til hamingju með daginn í gær kallinn!!

[sjö-an (IP-tala skráð) 9.12.2006 kl. 18:20]

takk fyrir kveðjurnar piltar og ykkur er boðið í gula húsið næsta laugardag 15.des.