Viðburðarík helgi að sunnudegi komin - Ramsey með sprett til baka

 Það hefur svo sannarlega verið í nógu að snúast hjá okkur Grindvíkingum þessa helgina.

 

 Á föstudaginn var spilaður æfingaleikur gegn Njarðvíkingum í Reykjaneshöllinni en þeir leika sem kunnugt er undir stjórn Grindvíkingsins góðkunna, Helga Bogasonar og hafa nú gert það síðan árið 2002, sem hlýtur að segja meira en mörg orð um ánægjuna með störf hans þar á bæ.

 Í liði þeirra má finna fleiri góðkunningja, en með þeim leika auðvitað kempurnar Albert Sævarsson, Alfreð Jóhannsson og síðast en ekki Gestur Gylfason, sem löngum "gerðu Grindavíkina fræga" hér á árum áður.  

 

 Leikurinn byrjaði rólega hvað færi varðaði en strax fór að bera á þeirri miklu baráttu sem alltaf hefur einkennt leiki þessara liða í Reykjaneshöllinni á undanförnum árum. Svo sannarlega örugglega ekkert grín að dæma þessa leiki, því ekki spöruðum við leikmennirnir heldur á okkur kjaftavaðalinn.

 Andri Steinn kom okkur í 2-0 með skemmtilegum afgreiðslum á fyrsta hálftímanum, og var gaman að sjá hvernig hann skapaði sér þau færi. Njarðvíkingar minnkuðu svo muninn úr aukaspyrnu skömmu eftir seinna mark Andra og hinn baráttuglaði Emil Símonarson kom okkur svo í 3-1 með skemmtilegu skoti fyrir utan teig sem á einhvern furðulegan hátt fór yfir Albert í markinu, sem var alls ekki illa staðsettur, og undir þverslána........Funny old game, football.... og gaman að sjá Emil stimpla sig inn með þessum hætti. Annars unnu hann og Andri varnarvinnu sína hreinlega eins og brjálaðir Færeyingar fremst á vellinum, sem gerði öðrum (og töluvert eldri) leikmönnum auðveldara með að skila sinni varnarvinnu.

  Jói húsvörður kom meira að segja um miðjan fyrri hálfleikinn og bauð háöldruðu miðvarðapari okkar Grindvíkinga og eldhressum framherjum þeirra Njarðvíkinga kaffi og teppi, til að halda á þeim hita, því eins og allir vita getur það verið mjög erfitt að standa lengi kyrr í hita sem nær ekki nema 15 gráðum......Eða að minnsta kosti fyrir þá sem alist hafa upp á Egilsstöðum eða í nágrenni.

 

 Jæja, Grindavík átti frábæran kafla um miðbik leiksins þar sem sannkallaður "Jankó-stimpill" var á liðinu. Allir á hreyfingu úti um allan völl og sendingar voru hiklaust sendar á bláa sokka um leið og þeir sáust og þannig gekk þetta oft í 20 - 30 sendingar og vonandi er þetta eitthvað sem við getum lagt áherslu á í okkar leik. Svo sannarlega allt í "þríhyrningum og slaufum" eins og maðurinn sagði forðum.

  Sérstaklega var gaman að sjá til Scott Ramsey en hann var mjög skapandi og gríðarlega frískur eftir að hann kom inná. Ekki ætla ég nú að útiloka það að hann hafi verið það líka áður en hann kom inná en ég er bara ekki til vitnis um það, þar sem ég virðist alltaf vera í byrjunarliðinu...En ég vona það að minnsta kosti ........að hann hafi verið frískur á bekknum líka.........en áfram með leikinn!!

 Já Scottie kom frískur inn og litu menn hvumsa og stóreygir hver á annan er Njarðvíkingar áttu sendingu upp í hornið og okkar maður tók 30 metra sprett...... TIL BAKA (!) og bægði hættunni frá. Höfðu elstu menn á orði að þetta hefðu þeir ekki séð Scottie gera síðan í leik með Reyni Sandgerði á sínu fyrsta ári hér á landi, en vilja þessir sömu menn reyndar meina að vegna þess hversu ungur hann var og óvanur íslenskum aðstæðum, hafi sá sprettur verið byggður á misskilningi.  

 

 Síðasta hálftímann eða svo slökuðum við Grindvíkingar allt of mikið á. Njarðvíkingar voru þá miklu betri og grimmari og minnkuðu muninn í 3-2 með þrumuskoti úr teignum og sóttu nokkuð grimmt upp úr því. Til allrar hamingju komumst við þó í eina og eina góða sókn og eftir laglegt upphlaup poppaði einn af ungu strákunum, Óli Stefán Flóventsson, upp hægra megin í teig Njarðvíkinga og hreinlega "gróf" knöttinn í mark Njarðvíkinga með hárnákvæmri ristarspyrnu. Verður sannarlega gaman að fylgjast með þessum gutta í framtíðinni. Leggið þetta nafn á minnið: Óli...Stefán...Flóventsson (með tveimur "essum").

 

 Njarðvíkingar neituðu að gefast upp, enda með afburða baráttujaxla í sínu liði og þeir minnkuðu muninn í 4-3 eftir mistök, sem voru......tja............sko.............maður bara..........PLÖÖÖÖ!

.....og það urðu lokatölur leiksins.

 

 Í gærkvöldi, laugardag, var svo leikmönnum og mökum boðið til glæsilegs jólakvöldverðar í Gula húsinu í boði stjórnarinnar, þar sem boðið var upp á hangikjöt og jafning eins og það gerist best. Þó þetta hafi vissulega verið frábært hóf þá sýndum við leikmenn ekki af okkur nógu mikinn persónustyrk þar sem við skiluðum ekki því verkefni sem okkur var ætlað. Bæta verður fyrir þetta við fyrsta tækifæri. Enginn er fullkominn og allt það.

 REEEEEEEYNDAR tóku tveir leikmenn sig til og reyndu að skemmta fólki af fingrum fram en það voru þeir D.J. Ási og gítarleikarinn Jón Ágúst (einnig þekktur sem Buddy Orbison) sem, hvor á sinn hátt reyndu að rífa upp stemmninguna með tónlistarflutningi.

 

 Annar þeirra stóð sig með hreinum ágætum.

 

 Einhvern veginn hefur mér bara aldrei þótt það við hæfi þegar maður er boðinn í mat, ég tala nú ekki um jólamat, að taka með sér sinn eigin geisladisk, skella honum í græjurnar og stilla volume takkann á 11, en það er nú bara mín skoðun. 

 

 Við leikmenn viljum nota tækifærið og þakka stjórnarmönnum og mökum þeirra fyrir þetta glæsilega boð sem ákaflega vel var að staðið á allan hátt.

 

 Þetta er Húni R. Kjerúlf.....Í Madrid 

Scott Ramsey átti fína innkomu í gær

og lék á alls oddi á blaðamannafundi

eftir leikinn. 

Athugasemdir

[Jón Ágúst (IP-tala skráð) 17.12.2006 kl. 21:49]

Eysteinn þetta Buddy Orbinson dæmi verður þú nú að útskýra fyrir mér....er málið að ykkur Scotty þykir ég blanda af Buddy Holly og Roy Orbinson?:S....Ég panta útskýringu strax eftir jólafrí!!!....En rétt er það að þetta var fínt boð stemmningin kom reyndar full seint og á svolítið afskekktum og undarlegum stað í Gula húsinu en stemmning var það þó..

Kær kveðja Buddy Orbinson...

[Meistaraflokkur karla Grindavík, 17.12.2006 kl. 22:40]

Já við Scottie komumst að þessari niðurstöðu eftir 2 sekúndna fundahöld.

Þetta tókst vel hjá þér. Dýrmætur drengur í hóp að hafa. 

Eysteinn 

[Meistaraflokkur karla Grindavík, 18.12.2006 kl. 02:20]

Heheh þakka þér fyrir það. Þú ert nú ekki sem verstur sjálfur;)

[Meistaraflokkur karla Grindavík, 18.12.2006 kl. 02:21]

Gleymdi að kvitta...

 Buddy Orbinson!!!