Til leikmanna

Þeir sem eiga eftir að skila inn gjafabréfi með happdrættisvinningi......

Ekki seinna vænna að fara að drífa í því. 

Dregið á næstu dögum.

E.H.

Ingvar sá um að draga í fyrra.

Takið eftir svipnum á honum. 

Til hamingju Grindavík

 25/4 verður hér eftir stór dagur fyrir okkur Grindvíkinga, ekki bara fyrir það að fyrra barn mitt var skráð á þennan dag, heldur að í dag var tekin fyrsta skóflustunga að nýju fjölnota íþróttahúsi. Þetta mun verða mikil lyftistöng ekki bara fyrir fótboltann heldur allt íþróttalíf okkar. Tímar í íþróttahúsinu losna og við fótbolta menn og konur fáum nú loksins skjól yfir höfuðið yfir vetrartímann. Húsið verður held eg 50x70 m og á að vera tilbúið um áramótin. Það er Grindin sem sér um að koma húsinu upp.

Gunnlaugur Hreinsson formaður UMFG tók þessa fyrstu skóflustungu og var það vel við hæfi. Gulli hefur í gegnum tíðina unnið mikið og óeigingjarnt starf fyrir okkur.

Til hamingju Gulli og allir Grindvíkingar

Óli Stebbi

Getrauna/tippleikur

Jæja þá er komið að bráðabana í tippleiknum góða. Það voru um 10 með 10 rétta þannig að næstu helgi fáum við þessa 10 til að tippa seðil og vonandi fáum við úr því skorið hver sigrar. Á sunnudag er síðan stefnt að því að draga í happadrættinu og birtum við nöfn vinningshafa hér á síðunni. Endilega fylgist með því að það er fjöldinn allur af góðum vinningum í boði.

Óli Stebbi

Framhaldið

Það er frí á morgun og æfing mið fim og fös, frí á laugardag og svo er stefnan að taka æfingaleik við úrvalsdeildarlið á sunnudag. Í dag eru akkurat 3 vikur í fyrsta leik og ekki laust við að það sé smá tilhlökkun í gangi. Við erum byrjaðir að æfa á grasi sem er nokkuð sem ekki mörg lið geta státað sér af og vonandi náum við smá forskoti á hin liðin þar. Reyndar er þessi fyrsti leikur okkar á gervigrasi þannig að það hjálpar okkur kannski ekki í þar

Óli Stebbi 

Stigaleikur-önnur sería

Í dag byrjaði önnur þáttarröð stigaleiksins. Eyþór og Abbi unnu fyrsu seríuna með 19 stig og Eyþór var í sigurliði dagsins. Við æfðum í Reykjaneshöllinni vonandi í síðasta skipti í ár. Þetta var flott æfing og var tekið vel á því. Denni Crane var aðalmaðurinn og varði drengurinn á köflum fáránlega. Annars voru menn mishressir einhverra hluta vegna og sumir það slappir að þeir mættu hreinlega ekki:)

Stigaleikur

Eyþór 3

Paul  3

Scotty 3

Óli Daði 3

Magnús Bjarni 1

Helgi M  1

Orri 3

Ray 3

Markó 3

Goran 3

Ég gaf Helga Má og Denna stig en þeir skiptu í hálfleik þannig að þeir voru í sigurliði og tapliði

Óli Stebbi

 

Ný könnun

Nú ætlum við aðeins að taka púlsinn á ykkur sem ætlið að mæta á leiki í sumar. Við erum semsagt að vinna í því með nokkrum góðum mönnum að stofna stuðningsmannaklúbb. Stefnt er á að stofnfundur verði í kringum mánaðamótin. Klúbbmeðlimir koma til með að fá allskonar tilboð á leiki og góðan aflslátt á búningum og öðrum búnaði sem er nauðsynlegur í svona dæmi. Við viljum fá sem flesta í þetta með okkur, bæði kyn á öllum aldri. Gerum þetta að frábæru knattspyrnusumri sem ekkert okkar kemur til með að gleyma.

Óli Stebbi

Tap í Árbænum

Hann fór ekkert sérstaklega vel leikurinn í dag og við töpuðum 0-1. Liðið var að spila ágætis varnarbolta en færin sem við fengum voru af skornum skammti. Reyndar fékk norðantröllið fín færi á að klára leikinn en honum voru því miður mislagðar fætur í dag. Nema þá þegar hann var sloppinn einn í gegn en þá var hann straujaður niður, ótrúlegt að enginn hafi séð það nema hann. Fylkir stjórnaði leiknum en fengu ekki nein færi til að tala um nema þá þegar þeir skoruðu. Eins og áður sagði þá vorum við að spila flottan varnarbolta en sóknarleikur liðsins var ekki að ganga sem skildi í þetta sinn. Ég er ekkert að hafa of miklar áhyggjur af því því að við eigum bara þannig leikmenn að það á alveg eftir að koma. Vörnin hefur hins vegar verið hausverkur í nokkur ár og er það ekkert nema gott mál að hún sé að smella saman.

Óli Stebbi

Skoðanakönnun

Það eru greinilega skiptar skoðanir á því hvor búningurinn sé flottari sá guli eða sá blái. Menn eru greinilega á því að þeir séu jafn flottir sem er gott mál. Guli er alltaf flottur og orðin vörumerki okkar grindvíkinga en sá blái er nátturlega stórglæsilegur og ég verð að játa það að ég kaus hann.

Óli Stebbi

Fylkir-Grindavík

Á fimmtudag spilum við okkar síðasta leik í Lengjubikarnum þetta árið. Gegnið hefur ekki verið sem skildi en allt á uppleið samt. Við byrjuðum á því að spila við íslandsmeistara FH og steinláum 5-0. Næst spiluðum við við Stjörnuna og ekki fór sá leikur betur því þar töpuðum við einnig 5-0. Eftir Stjörnuleikinn var það HK og þar spiluðum við einn okkar besta leik og töpuðum mjög ósanngjarnt 0-1 þar sem þeir skoruðu úr eina færi sínu seint í leiknum. Leiðin lá norður og spilað var við KA í Boganum og þá loksins skoruðum við 2 en því miður var vörnin ekki að finna sig frekar en áður og við fengum á okkur 2 mörk. Loksins kom þetta hjá okkur og við unnum Val verðskuldað 1-0 og leiðin virtist vera uppávið en þá hrundum við aftur og töpuðum 6-2 á móti Kela og félugum í Víkingi. Eftir þetta fórum við til Tyrklands þar sem unnið var mikið í varnarleik liðsins og skilaði það sér heldur betur á móti tveimur rússnenskum liðum þar sem við vorum að fá kannski 4 færi á okkur í báðum leikjunum og þetta voru alls ekki slök lið, síður en svo. Nú á fimmtudag spilum við eins og áður sagði okkar síðasta leik í þessu móti og það er á móti Fylki. Í Fylki eru tveir leikmenn sem voru með okkur í fyrra þeir Kristján Valdimars og David Hannah. Leikurinn verður á Fylkisvelli  sumardaginn fyrsta og byrjar hann kl 14.00

Óli Stebbi

Tyrkland annar hluti

Eins og fyrsta vikan þá voru síðustu dagarnir frábærir. Við spiluðum við annað Rússneskt lið og þetta lið var eins og fyrsta liðið mjög öflugt. Leikar fóru þannig að við töpuðum 0-1 eftir að þeir skoruðu úr eina færi þeirra í leiknum. Það var nokkuð áberandi í þessum leik og sér í lagi þegar líða tók á leikinn að þreyta var kominn í mannskapinn. Menn voru þó mjög sáttir við spilamennskuna sér í lagi varnarleik liðsins sem hefur lagast mjög mikið í ferðinni.  Á lokakvöldinu fór svo fram árlegt nýliðaatriði sem tókst vel upp. Þeir Jón Ágúst, Siggi, Óli Baldur, Markó Goran og Abbi fóru á kostum og hláturinn var svo mikill að gestir hótelsins létu sjá sig við mikla kátínu. Þið fáið mikið hrós fyrir þetta kvöld nýliðar þrátt fyrir erfiða byrjun. Við tókum líka strandblaksmót sem var nátturlega frábær skemmtun en menn voru á einu máli með það að vonbyggði mótsins hafi verið Orri Hjaltalín og að tilþrif mótsins hafi Magnús  aka "Denny Crane" átt þegar hann tók þessa líka hávörnina á Orra. Tapliðið þurfti síðan að taka sundsprett í sjónum sem að þeir auðvitað gerðu. Andinn var frábær hjá okkur og þrátt fyrir minni háttar vandamál sem alltaf koma upp í svona ferðum og tókst ferðin mjög vel. Þessar ferðir eru nauðsynlegar bæði þjálfunarlega og eins móralslega því á Íslandi er undirbúningstímabilið bara alltof langt og erfitt í myrkri og snjó.

Andri og Ingvar flottir

 Seinni leikur við Rússana

 Ungu strákarnir að gera sig klára

 Ingvar klikkar á víti í keppni fararstjórnar og sjúkraþjálfara

 

Óli Stebbi