Tyrkland

Já það er óhætt að segja að veðrið leiki við okkur strákana í þessari ferð. Hitinn er á milli 20-30gráður og aldrei þessu vant þá fagnar maður hafgolunni. Ferðin hefur gengið mjög vel og eins og Eysteinn hafði orð á þá væri þetta okkar hugmynd af himnaríki ef að völlurinn væri aðeins skárri. Ég ætla að fara rétt aðeins yfir ferðina hingað til en vegna tæknilegra örðuleika er ekki hægt að birta myndir fyrr en eftir ferð.

dagur 1Hópurinn mætir galvaskur klukkan 7 að morgni uppí Leifsstöð og í þetta sinn kom engin og seint sem hefur aldrei gerst áður. Eftir stutt veslerí og kaffiþamb var flogið af stað og framundan 5 og hálfur tími í flugi. Sumir sváfu flugið af sér og rumskuðu bara þegar það var lent í Antalya. Við komum á hótelið um 21.00 að staðartíma sem er 18.00 heima. Jankó fór yfir reglurnar og svo fóru menn í háttinnDagur 2Þessi dagur byrjaði nú ekki gæfulega fyrir Andra og Óla Stefán því þeir fóru að sofa án þess að breyta klukkunni og mættu því ekki í morgunmat og rétt vöknuðu á morgunæfingu sem var 09.30. Það voru pínulítil vonbrigði að sjá völlinn því hann var ekki eins góður og hann var í fyrra en engu að síður spilhæfur. Eftir fína æfingu var síðan sturtað sig og farið í hádegismat. Maturinn hérna er engu líkur og maður getur gjörsamlega valið úr nánast öllum matartegundum því hlaðborðin eru svakaleg. Síðan var nátturlega tölt á ströndina og menn byrjaðir að tana sig. Seinni æfingin er síðan alltaf 16.00 og ég held að menn séu sammála um að þarna hafi erfiðasta æfing ferðarinnar verið. Kvöldið var svo nokkuð notalegt bara og menn búnir að tengja flakkarana. Yfirleitt eru menn búnir á kvöldin og farnir að sofa um 23.00 en Jankó vill að menn séu komnir inná herbergi 00.00 sem að held ég hafi ekki klikkað hingað til.Dagur 3Nú klikkaði ekki nokkur sála á morgunmat og æfingarútínan gekk eins og í sögu. Á seinni æfingunni var síðan spilaður stigaleikur þar sem var stillt í nokkuð jöfn lið. Albert fór nálægt því að vinna þetta fyrsta stigamót ársins með því að vera í sigurliði og er kappinn nú með 19 stig og hefur aðeins einu sinni verið í tapliði sem er nokkuð gott. Að þessu sinni var sigurinn mjög óverðskuldaður og höfðu menn á orði að þetta hafi verið svipað ósanngjarn sigur og þegar Man Utd vann Liverpool  um daginn. Um kvöldið var tekinn póker sem Magnús “Denny Crane” Péturs sigarði glæsilega.Dagur 4Á laugardag fengu menn þær frábæru fréttir í morgunmatnum að það væri frí á morgunæfingunni. Ekki það að maður fagni því á hverjum degi að fá frí a æfingum heldur var það lúinn líkami sem fagnaði því. Menn voru búnir að taka vel á því og orðnir örmagna af þreytu. Þetta tækifæri nýttu menn í það að taka ströndina. Nú gátu menn farið í sjótæki eins og jet ski og banana sem menn gerðu. Seinni parts æfingin var síðan frekar létt og farið aðeins í taktík fyrir leikinn daginn eftir. Kvöldið var rólegt og menn farnir að undirbúa leikinn.Dagur 5 

Við fengum óvæntan glaðning í morgunmatnum því Jón Gísla formaður kom færandi hendi. Hann bauð mönnum pákaegg og menn stóðu síðan allir upp og lásu málshættina góðu. Morgunæfingin var létt og rétt farið yfir ákveðnar færslur fyrir leikinn. Leikurinn var síðan 1600 við 2deildarlið frá Rússlandi. Við fengum ágætan völl og veðrið lék við hvern sinn fingur og það má segja að það hafi nánast verið of gott því hitinn var svakalegur. Við unnum Rússana 1-0 með marki Gorans úr víti sem Andri fiskaði eftir góða sókn. Rússarnir voru svakalega skipulagðir og með gott lið og þegar líða fór á leikinn fóru þeir að liggja frekar mikð á okkur en vörnin hélt og sigurinn okkar.

 Dagur 6  

Þeir sem spiluðu leikinn tóku bara létt skokk á ströndinni um 9 en þeir sem spiluðu ekkert fóru að undir búa leik við Val. Í þennan leik fóru strákarnir úr öðrum flokki ásamt 3-4 reyndari mönnum. Valur stillti hins vegar upp svakalega sterku liði og voru allir þeirra sterkustu menn að spila.  Eftir fínan fyrrihálfleik var staðan 2-1 fyrir Val en í seinni hálfleik tóku þeir öll völd á vellinum og okkar ungu strákar réðu ekki við þessi stóru nöfn. Í þessum leik spiluðu Siggi Dodda og Jón Ágúst til að mynda sínn fyrsta meistaraflokksleik og stóðu sig vonum framar. Siggi átti eina flottustu löglegu tæklingu sem maður hefur séð þegar hann strauaði Helga Sig ,margreyndan landsliðsmann, er hann var við það að sleppa í gegn. Leikurinn endaði 6-1 og Númi Guðjóns skorðaði mark okkar manna úr víti. Gefið var síðan frí á seinniparts æfingu sem menn notuðu ýmist til þess að fara að versla en aðrir til að spila golf á þessum frábæra velli hérna.

 

Við hópinn hér úti bættust tveir leikmenn ,þeir Númi Guðjóns sem allir þekkja og síðan Bojan sem er 24 ára serbi. Hann er hafsent sem er 1,97 m á hæð og lofa þeir báðir góðu. Sreskó hefur unnið kraftaverk hér við að tjasla mönnum saman og svo sjá fararstjórarnir um að allt sé í góðu standi og hafa þeir Ingvar Jón Gísla og Bjarni Andrésar staðið sig eins og við var að búast frábærlega. Jankó og Dragan ,sem er aðstoðarmaður hans, eru með þetta mjög atvinnumannalegt hérna og það er hluti af svona ferðum að fá að lifa eins og atvinnumenn í 10 daga.

 

Óli Stebbi

 

Leitin að stöðugleikanum

Leit okkar Grindvíkinga að stöðugleikanum heldur áfram en eins og áhangendur liðsins hafa tekið eftir, hefur verið vöntun á honum í leikjum vetrarins og reyndar kemur í ljós að nokkuð hefur borið á skorti af þessu tagi undanfarin ár, ef rýnt er í sögubækurnar. 

Í fyrramál morgundagsins heldur liðið til Tyrklands eftir sterkar ábendingar um að þar sé stöðugleikann að finna, einhvers staðar í næsta nágrenni við Golf Hotel Sirene.

Samkvæmt dagatali því sem framkvæmdastjóri knattspyrnudeildarinnar afhenti leikmönnum í gærkvöldi, verður að leitað að meðaltali tvisvar á dag. 

Búast má við tíðindum af leitinni, hér á þessari dásamlegu síðu okkar, um leið og eitthvað fréttnæmt gerist.

E.H. 

 

 

 

 

 

 

 

 

 

 

Andri Steinn skemmti sér

konunglega í ferðinni í fyrra

 

 

 

 

 

 

 

 

 

 

Þessi varðmaður er talinn gæta

stöðugleikans, þar sem hann er að

finna.

 

 

 

 

 

 

 

Tyrkneska liðið sem við sigruðum í fyrravor

var gríðarsterkt. Hér sjást þeir stilla sér

upp fyrir leikinn. 

Svar kvennahandboltans við Scott Ramsay?

Jújú, hvað er þetta video að gera hér á ÞESSARI síðu?........ Spyrja sjálfsagt 99% lesenda.

 

Horfið á það með fyrirsögnina í huga.

 

E.H. 

Hvað er að frétta?

Hin frábæra fótboltasíða Fotbolti.net hafði samband við okkur og bað okkur um að svara spurningum í lið hjá þeim sem heitir hvað er að fétta? Við auðvitað svöruðum eftir bestu getu en þú getur séð svörin hér

Óli Stebbi

Skotnir niður

Eftir að hafa verið að spila mjög vel síðasta mánuðinn vorum hreinlega skotnir niður af sprækum Víkingum í dag. Það þarf kannski ekki að hafa sérstaklega mörg orð um þennan leik því við viljum gleyma honum sem allra fyrst. Andri sjóðheiti og Goran sáu um að skora fyrir okkur í dag og á venjulegum degi þá á það að duga allavega til stigs. Varnarleikur liðsins var til skammar og þá er verið að tala um alla 11 leikmenn sem voru að spila.

Við erum núna búnir að taka mjög erfitt prógramm og spila 3 leiki á viku og nú er það að slaka vel á fyrir ferð. Mér skilst að það sé fundur á morgun eftir æfingu en æfingin byrjar 18.00 í Grindavík. 

Óli Stebbi 

Andrea Carnevale bætist í þjálfarateymi Grindvíkinga!!

Hinn heimsfrægi Andrea Carnevale er genginn til liðs við Grindvíkinga og kemur til með að sjá um sérþjálfun framherja okkar í sumar. Hann kom til landsins í gær og verður með Andra Stein, Goran og Orra á léttri æfingu á sparkvellinum í Grindavík kl. 13:30 í dag, sem hluta af undirbúningi fyrir leikinn gegn Víkingi sem hefst klukkan 17 í Egilshöll.

Carnevale, sem leggur víst mikið upp úr sálfræði framherja og hæfni þeirra til þess að sjá fyrir sér hlutina heppnast áður en þeir gerast,  lék um árabil með landsliði Ítalíu en er ef til vill þekktastur fyrir að hafa leikið við hlið Diego Maradona hjá Napoli á 9.áratug síðustu aldar. Hann hefur skrifað undir samning til haustsins, með möguleika á framlengingu um tvö ár, ef vel tekst til.

Carnevale, sem hefur lokið UEFA B-prófi í þjálfunarfræðum, kemur hingað til lands að tilstuðlan Davor Suker, sem er góður vinur Jankós og var mikið lagt upp úr því að hann kæmi til móts við hópinn fyrir Tyrklandsferðina.

Svo sannarlega mikill fengur þarna á ferð og greinilegt að það á að fyrirbyggja það að markaskorun verði vandamál í sumar. 

 

 

 

 

Carnevale á að baki 36 landsleiki

fyrir Ítalíu 

Getraunaleikurinn

Það fór þá þannig að það enduðu sjö með 10 rétta af 14 sem verður að teljast frábær árangur. Reglur leiksins segja að ef það verði fleiri en einn á toppnum þá verði að grípa til bráðabana. Bráðabaninn fer þannig fram að fljótlega verður haft samband við þá sjö efstu og þeir fengnir til að tippa á seðil og eins og áður má bara nota eitt merki á leik. Þeir sem verða í þremur efstu sætunum að loknum bráðabana verða svo verðlaunaðir. Orri er að fara yfir lokastöðu og má vænta hennar fljótlega.  

Á morgun er leikur hjá okkur í Lengjubikarnum. Andstæðingar okkar að þessu sinni er  Víkingur Reykjavík. Þetta er fimmti leikur okkar í þessari keppni og eftir frekar erfiða byrjun þá hefur leiðin legið uppá við. Leikurinn á morgun verður líka athyglisverður fyrir þær sakir að við erum að spila við Kela gamla í fyrsta skipti síðan karlinn fór síðasta sumar. Við spilum við þá í Egilshöllinni og byrjar leikurinn 17.00

Óli Stebbi 

Sirena golf hotel

Nú eru 5 dagar í ferð og ekki laust við að manni sé aðeins farið að hlakka til. Við vorum á sama stað í fyrra þannig að við erum öllum hnútum kunnugir þarna en svona til að rifja aðeins upp staðinn sem við verðum á þá eru hér nokkrar myndir af hótel svæðinu

 

Þetta er semsagt hótelsvæðið okkar og við erum með eina álmuna alveg útaf fyrir okkur

 

 Þarna sjáum við einmitt yfir álmuna okkar á móti sundlauginni

 Svona eru herbergin en Ási og Villz sérstaklega ánægðir með það að fá hjónarúm

 Sundlaugargarðurinn

 Aðalbyggingin þar sem framkæmdarstjóri og fyrirliði liðsins gista

 

 Álman góða sem við höfum útaf fyrir okkur

 Ef svo ótrúlega vildi til að við fengum veður undir 20° hita þá er gott að hafa nú innilaug

 Þar sem við erum tveir og tveir saman í herbergi er algjört möst að hafa tvö vaska 

 Að lokum er það aðalmálið sem er æfingasvæðið okkar

 

Þetta hótel sem við erum á er nátturlega í ruglinu það er svo flott. Á öðru hóteli sem er smá spöl frá okkar eru síðan fjögur önnur lið á. Eins og nafnið á hótelinu gefur til kynna þá er hótelið umvafið golfvöllum. Ætli það sé ástæðan fyrir því að Ingvar, Jón Gísla og Bjarni Andrésar séu fararstjórar

Óli Stebbi 

Góður leikur en tap á Akranesi

Við spiluðum við Skagamenn í glæsilegri knattspyrnuhöll þeirra í kvöld. Leikurinn var kaflaskiptur því þeir byrjuðu mun betur en við og voru komnir í 2-0 eftir um tuttugu mínutna leik. Þá tóku okkar menn aðeins við sér og jafnræði var það sem eftir lifði hálfleiks. Undir lok hálfleiksins fékk hafsentinn þeirra annað gula spjaldið sitt og þar með rautt en þar sem Jankó er heiðursmaður leyfði hann þeim að setja mann inn fyrir hann og þar með ennþá jafnt í liðum. Í seinni hálfleik tóku okkar strákar völdin og spiluðu eins og þeir sem valdið hafa. Eina sem vantaði uppá var að koma boltanum í netmöskvana. Þegar 20 mín voru eftir brotnaði loksins ísinn og Andri Steinn skoraði gott mark. Þarna vorum við komnir á bragðið og 5 mín seinna skoraði Andri annað mark sitt eftir gott upphlaup. Þegar þarna var komið við sögu var orðið mun líklegra að við myndum ná sigurmarkinu og Andri slapp einn á móti markmanni þegar aftasti maður hreinlega sópaði undan honum löppunum og dómarinn dæmdi brot og gult spjalt sem var nátturlega óskiljanlegt með öllu. Á 90. mínutu náðu þeir svo góðri sókn og kláruðu leikinn. 

 Liðið í kvöld

                 Óskar

Ray      Abbi     Gummi      Jobbi 

Skotty   Orri    Eysteinn   Paul

                  Andri

                 Goran

 Helgi Alex Ási Þorfinnur Palli og Markó komu allir inná í leiknum

 

Strákarnir geta sko alveg staðið uppréttir eftir þennan leik því það sýnir frábæran karakter að koma til baka úr 2-0 stöðu og jafna. Vissulega svekkjandi að tapa þessu síðan en með réttu áttum við að vera orðnir tveimur fleiri inná vellinum og þá hefði þessi leikur nátturlega aldrei endað svona. Paul og Skotty áttu flottan leik á köntunum og Andri frábær sérstaklega í seinni hálfleik og uppskar tvö mörk enn einn leikinn. Ég vil segja við menn og þá sérstaklega ykkur ungu strákana í liðinu að menn fara aldrei í gegnum tímabil án þess að gera mistök og eiga kannski ekki sinn besta dag en það skiptir öllu máli hvernig því er tekið. Hlustið á þjálfarann um hvað þið voruð að gera vitlaust og vinnið í því að laga það á æfingum og næstu leikjum. Mistök eru til að læra af þeim og þetta fer allt saman í reynslubankann ykkar.

Óli Stebbi 

 

 

 

ÍA-Grindavík

Á morgun verður spilað við ÍA í Akraneshöllinni. Það er alltaf gaman að taka rúntinn uppá skaga þó svo að maður hafi nú leiðinlega oft farið tómhentur þaðan. Vonandi náum við bara að fylgja eftir góðum leikjum að undanförnu og vinna fyrsta leik okkar í þessari glæsilegu knattspyrnuhöll þeirra. Leikurinn byrjar kl 18.45

Óli Stebbi