Keli í Víking

Keli gamli skrifaði í gærkvöldi undir eins árs samning við Víking Reykjavík. Ég heyrði í kappanum í morgun og var hann hinn kátasti með það að vera kominn í úrvaldsdeildina aftur. Gamli er að komast í fínt form og á hann án efa eftir að gleðja stuðningsmenn þeirra í sumar. Hann bað mig að skila kveðju en fylgist hann grannt með "sínu liði".  Við óskum honum bara góðs gengis með sínu nýja félagi. Spurning hvort hann sé ekki bara að forðast það að mæta okkur í sumar...

Óli Stebbi

Skoðanakönnun

Það er ljóst að flestir af þeim sem kíkja á þetta blogg ætla að halda halda með nágrönnum okkar úr Keflavík næsta sumar í úrvaldsdeildinni. Þetta eru nátturlega forvitnilegar niðurstöður því að það er mikið talað um "ríg" á milli þessara liða.

Samkvæmt þessari sömu könnun er næst vinsælasta liðið ÍA og þetta er þá svipað og í gamla daga þegar flestir Grindvíkingar héldu með þeim

Ótrúlegur tapleikur

Það er óhætt að segja að menn hafi orðið vitni að einhverjum ósanngjarnasta ósigri síðari ára í dag. Stax á fyrstu mínutu tókum við leikinn í okkar hendur og stjórnuðum honum frá a-ö. Þetta FH lið fór 3 yfir miðju og skoraði 5 mörk. Hvernig er það hægt??. Á meðan áttum við 7 stangar og sláar skot og svo tók markmaður þeirra rest.

Djöfull væri gaman ef maður gæti nú labbað af vellinum eftir, ja allavega ágætis spilamennsku, og verið að skrifa með góðri samvisku svona frá leiknum. Því miður þá getum við ekki gert það í þetta sinn því við áttum einfaldlega við ofurefli að etja í dag. FH er bara nokkrum skrefum á undan okkur eins og staðan er. Ég vil samt meina að tapið hefði ekki átt að vera svona stórt því að það fór nánast allt inn hjá þeim í dag. Eins vorum við ekki alveg að fara í návígi til að vinna þau oft á tíðum.

Eftir svona leiki verður bara að reyna að grafa upp ljósu punktana og vinna á þeim. Ég persónulega var sáttur við strákana sem komu inn og eins var ég sáttur við fyrstu 30 min eða þangað til við fengum á okkur mark. Tökum það með í næsta leik og fjölgum góðu mínutunum.

Óli Stebbi

FH-Grindavík

Þá er komið að því að fyrsta alvöru mót ársins Byrji. Við ráðumst nú ekki á garðinn þar sem hann er lægstur því við eigum leik við sjálfa íslandsmeistara FH í fyrsta leik. Leikurinn við FH er í Fífunni kl 2 á morgun og kostar ekkert inn. Endilega koma og sjá hvernig líklegir sigurvegar í fyrstu deildinni standa á móti líklegum íslandsmeisturum.

Ég verð að byðja fólk um að slaka aðeins á að skrá sig eða láta vita hvort það hafi áhuga á stuðningsmanna klúbbnum sem ég skrifaði um hér aðeins neðar. Þvílíkar undirtektir hafa aldrei sést og er ég ekki viss um að hægt sé að taka á móti fleiri athugasemdum. Það eru semsagt 3 athugasemdir og ein þeirra fra undirrituðum. Við hljótum að vera eini klúbburinn sem hefur ekki áhuga á að standa í skipulögðum stuðning á meðan leik stendur en við verðum við því miður bara að taka því eins og hverju öðru hundsbiti.

over and out

óli stebbi

Áminning

Leikmenn, munið fyrir föstudagsæfingu:

- Koma með á blaði.....

a) hvaða vinninga þið hafið útvegað

b) hvað þið selduð af getraunaleiksmiðum

 

Athugið: Ekki koma með neina peninga eða gjafabréf á æfinguna, bara "skýrslu" um vinninga og fjölda þátttakenda. 

 

Eysteinn 

Stuðningsmannaklúbbur

                                     Munið þið eftir þessu????          Á fundi sem við leikmenn áttum um daginn kom fram að virkja þyrfti einhvernskonar stuðningsmannaklúbb í Grindavík þ.e klúbb sem sér um að halda stemmningu í stúkunni í blíðu og stríðu. Flest öll lið Landsbankadeildarinnar eru með stuðningsklúbba í kring um sín lið. Við ætlum á engan hátt að gera lítið úr þeim sem koma á völlinn að styðja okkur en því miður var það alltof áberandi í sumar að lið eftir lið mættu með sína stuðningsmenn í stúkuna og sungu og trölluðu allan tímann. Sérstaklega var áberandi þegar við vorum að vinna KR 5-0 en það heyrðist bara úr stúkunni "KR eru bestir". Ég held að ég fari rétt með að Þróttur byrjaði með þetta fyrir mörgum árum síðan og síðan þá hafa lið eins og FH, Keflavík KR Víkingur og eins og ég sagði flest öll efstu deildar lið tekið þetta upp. Eins hef ég farið á marga neðri deildar leiki og sé að þar eru mörg þeirra búin að taka þennan skemmtilega sið upp líka. Reynir Sandgerði er með flottan stuðningsmanna klúbb sem kalla sig Hvítu riddarana og verð ég að segja að mér líður ekkert sérstaklega vel yfir þeirri hugsun að þeir komi og leggi undir sig stúkuna okkar. Því held ég að það sé mál að við gerum eitthvað í þessu.

Ég legg til að við gerum þetta svona. Fyrst söfnum við 25 manns í það minnsta saman. Tökum fund þ.e leikmenn stjórn og þessi klúbbur. Hægt væri að láta útbúa búninga og safna fyrir fánum og hljóðfærum. Tilgangurinn með klúbbnum væri að veita jákvæðan og skemmtilegan stuðning með skipulögðum lögum og hrópum. Ég efast ekki um að leikirnir yrðu skemmtilegri á að horfa og alveg á hreinu að þeir verða skemmtilegri að spila líka. Við hvetjum því sem flesta sem hafa áhuga á að taka þátt í þessu með okkur að hafa samband hérna í athugasemdum að neðan og ég veit að menn eins og Siggi Þór, Rikki og Leifur  og fleiri láta ekki sitt eftir liggja.

 

F.h meistaraflokks Grindavíkur

Óli Stefán Flóventsson

Nýtt Grindavíkurlag?

Komið hefur upp hugmynd frá Orra Frey Hjaltalín, hljómborðsleikara um nýtt Grindavíkurlag. Hann fékk nokkra félaga sína úr kennaraliðinu með sér upp í Selskóg í haust og tók upp prufutöku sem sjá má hérna

 

Hvert er ykkar álit, lesendur góðir?

 

Góð hugmynd? 

Frábær helgi

Nú er þessi frábæra helgi að enda komin. Laugardagurinn var tekin snemma og hittumst við í gula húsinu kl 9.00. Þaðan lá leiðin í Veiðafæraþjónustuna þar sem við vorum með aðstöðu fyrir bílabón. Eftir frekar brösulega byrjun þá komumst við á fljúgandi siglingu og enduðum á að bóna 25 bíla yfir daginn en síðasti bíllinn rann í gegn rúmlega átta um kvöldið. Þaðan lá leiðin í sturtu og við hittumst um 9 á Kaffi Grindavík. Þar var Helgi Einar búinn að útbúa fyrir okkur þessa líka frábæru súpu sem rann frekar ljúflega niður. Þegar menn voru orðnir ágætlega mjúkir tók skemmtinefndin völdin og brugðið var á leik. Það verður bara að segjast alveg nákvælega eins og er að Ási De Niro átti kvöldið. Fyrst sigraði hann spunaleikinn með stórbrotnum einleik þar sem hann átti að hafa  misst besta vin sinn í fjallgöngu. Ása tókst að túlka þetta erfiða hlutverk það svakalega að það sáust leka tár niður kinnar Einars Helga. Strax er farið að tala um Óskarstilnefningu. Í söngvaleiknum fór drengurinn einnig á kostum og sigraði með glæsibrag þó eftir mikla samkeppni frá Óla Baldri sem söng þjóðsönginn með miklum glæsibrag. Þegar leikar stóðu sem hæst gengu í hús leynigestirnir, við mikinn fögnuð viðstaddra, en þeir Keli og Óðinn ákváðu að heiðra okkur með komu sinni og var mjög gaman að fá þá félaga í heimsókn.

Í dag sunnudag var síðan fjórði stigaleikur ársins. Í þetta sinn voru þjálfararnir með þar sem þeir völdu liðin. Það verður bara að segjast alveg eins og er að það er ástæða fyrir því að Jankó er aðalþjálfari og Gunni aðstoðarþjálfari. Lið Jankó sigraði 8-4 og nokkuð ljóst að sumir hafa verið aðeins duglegri en aðrir í bjórdrykkju kvöldið áður því ójafnari stigaleikur hefur ekki verið leikinn á árinu. Þorfinnur skoraði þrennu og lagði grunnin að sigrinum. Sigurliðið var þannig skipað að Helgi var í markinu Óli Stefán og Abbi hafsentar. Nonni og Siggi bakverðir, Markó og Eyþór á miðju, Einar Helgi og Óli Baldur kantar og svo Orri og Þorfinnur senterar. Þessir leikmenn bættu semsagt stigum á listann sinn. Ekki er hægt að hætta án þess að minnast á ótrúlegan dómara leiksins en Andri Steinn stjórnaði honum af svakalegri röggsemi.

Ég vil þakka ykkur fyrir helgina drengir og það er á hreinu að það er með svona samheldni sem menn ná árangri. Við náðum ágætis árangri í fjáröfluninni og við höldum ótrauðir áfram. Við viljum þakka þeim sem hjálpuðu okkur á einn eða annan hátt að gera þessa helgi eins góða og raun bar vitni.

 

	Stigaleikur
Stig
Albert	10
Óli Stefán	10
Villi	7
Jóhann		7
Óli Daði	7
Óli Baldur	7
Helgi Már		7
Orri		7
Palli	6
Andri Steinn		4
Hjörtur	4
Jobbi	4
Alex	4
Skotty	4
Gummi	4
Eyþór		4
Nonni	4
Siggi	4
Þorfinnur	4
Einar Helgi	4
Emil	3
Eysteinn	1
Ray	1
Mike	1
Ási	1
Markó                                                                        4

Þjálfarastig

Jankó                                                                                    3

 

Óli Stebbi

Leikmenn, athugið!!!!

Á æfingunni á þriðjudaginn er mjög mikilvægt að allir komi með staðfestingu á vinningum í happdrætti getraunaleiksins á blaði og láti einhvern af nefndarmönnum hafa.

Í kjölfarið verður gerð endanleg vinningaskrá sem birt verður fyrir þátttakendur hér á síðunni. 

 

 

 

 

 

 

 

 

 Biggi Hermanns (27) vann gjafabréf upp

á 350 kr. frá ALCOA í happdrættinu í

fyrra. 

Yfirheyrsla

Við ætlum að yfirheyra Gunnar Már Gunnarsson aðstoðarþjálfara. Gunni ætti að vera flestum Grindvíkingum að góðu kunnur því hann er grindjáni í húð og öll hárin. Drengurinn var frábær knattspyrnumaður enn varð frá að hverfa alltof snemma vegna meiðsla. Hann er sjálfsagt þekktastur fyrir þrumuskotið í stöng í bikarúrslitaleiknum við KR 1994 en ennþá er talað um það. Að vísu spjallar hann mest um það sjálfur.

 

Sæll frændi, ertu tilbúinn???

Bíddu aðeins..

En núna??

Já ok

Hvaða liði heldur þú með í Færeysku úrvalsleildinni??

Vantar Málana 36

Hvort fannst þér þú vera betri varnar eða sóknarmaður??

Sóknarmaður að sjálfsögðu, Kóli hafði rangt fyrir sér

Hvað ertu með í forgjöf í golfi?? (Hann er búinn að vera í golfi í 18ár)

11

Hvor þjálfarinn var betri Bjarni Jó eða Gummi Torfa??

Af tvennu illu var það sennilega Bjarni

Hvor er skemmtilegri, Ingvar eða Bjarki??

 Ingvar, Bjarki sveik mig í gær??

Gull eða Calsberg??

 Gull

Af hverju finnst þér Orri svona leiðinlegur??

Af því að hann á svo fallega konu

Nú hefur þú verið að gagnrýna Jankó mikið, hvað finnst þér að hann þurfi að bæta

Hann þarf að bæta við  sendingaræfingum. Alltof ALLTOF lítið af þeim..

Sáttur við spurningarnar??

Magnaðar alveg

Við þökkum Gunna fyrir hreinskilnina. Hann skorar á okkur að taka Jónas í yfirheyrslu næst

 

Óli Stebbi