Okkur spáð efsta sætinu.

Í spá sem var gerð á kynningarfundi fyrir knattspyrnusumarið 2007 var okkur spáð sigri í fyrstu deild. Það er alltaf gaman að svona spám en þær gefa nákvælega ekki neitt fyrir sumarið. Á morgun kemur síðan í ljós hvort okkur er spáð fyrsta eða öðru sæti á fotbolta.net. Auðvitað er í lagi að vera bjartsýnn á en menn verða sko að vera tilbúnir á fullu í fyrsta leik. Stjarnan hefur verið að spila mjög vel og þeir unnu Hk t.d í gær 3-1 þannig að þetta verður hörkuleikur sem verður spilaður á gervigrasi. Nú er einmitt mál að finna stemmninguna og vera 100% kárir því þetta kemur ekki af sjálfu sér.

Óli Stebbi 

Siggi bakari í framboð!

Sigurður Enoksson stórbakari, snillingur og margfrægur velunnari knattspyrnudeildarinnar er nú í framboði. Þó ekki til Alþingis, heldur til formanns þeirra sérvitringa sem kenna vilja sig við Arsenal klúbbinn á Íslandi, en eins og allir vita sem hitt hafa Sigga er hann og hefur verið lengi, Arsenal aðdáandi af lífi og sál. Það væri því frábært fyrir hann að ná kjöri.

Hér má sjá kynningu á þeim tveimur herramönnum sem eru í framboði. Athugið að aðeins er hægt að kjósa á netinu og því um að gera fyrir þá sem það mega að drífa í þessu, hér og nú.

Því miður hafa aðeins þeir sem eru skráðir í þennan "skrýtna" klúbb atkvæðisrétt en við hvetjum að sjálfsögðu alla þá sem eru skráðir eða þekkja skráða meðlimi, til að styðja meistarann með atkvæði sínu.

 

Sigurður hlýtur hér með baráttukveðjur okkar meistaraflokksmanna og óskir um gott gengi í kosningabaráttunni. Einnig sendum við honum okkar bestu þakkir fyrir jafntefli Arsenal gegn Chelsea um síðastliðna helgi.

 

 

 

 

 

 

 

 

Siggi var hress að vanda er ljósmyndari

bloggsíðunnar heimsótti hann í morgun.

 

Húni. 

Tap á móti sprækum Völsurum

Hann fór ekki vel leikurinn í gær þar sem við töpuðum á móti Val 0-3. Við áttum erfitt með að halda bolta innan liðsins fyrri hluta leiks því Valsarar pressuðu hátt og voru með smá golu í bakið. Reyndar vorum við svosem ekki að fá opin færi á okkur en gerðum okkur lífið leitt í föstum leikatriðum og fengum öll mörkin á okkur svoleiðis. Orri fékk algjört dauðafæri í stöðunni 0-1 en ákvað að gefa hann í stað þess að skjóta sem er alveg óskiljanleg ákvörðun hjá þessum mikla markaskorara en maður vonar bara að hann sé að spara mörkin fyrir næsta mánudag. Allir leikmenn spiluðu og ætti Jankó nú að vera með hugmynd að byrjunarliði á móti Stjörnunni.

Óli Stebbi

Leikmenn athugið!!

Muna að skila happdrættisvinningum við fyrsta tækifæri!!!

Sjá leiðbeiningar í nýjasta tölvupósti.

Gangi ykkur vel að kljást við þetta verkefni:)

 

Húni 

 

 

 

 

 

 

 

 

 

 

 

Eysteinn (26) vann ostaskerara

í happdrættinu í fyrra og réði

sér ekki fyrir kæti.

 

 

 

 

 

 

 

 

Ingvar Guðjónsson (30), vann báðar

utanlandsferðirnar í fyrra. Hér sést hann

taka við verðlaunum úr höndum eftirlitsaðila

við dráttinn. Frá vinstri: Ingvar, Zeljko

Sankovic (38), Guðjón Einarsson (47)

og Hjálmar Hallgrímsson (33). 

(Stækka má myndirnar með því að smella á þær) 

Grindavík-Valur

Á morgun spilum við á gamla aðalvellinum okkar við Valsmenn. Það ekki hægt að hugsa sér betri leik fyrir mót enda eru Valsmenn með gríðalega sterkt lið. Leikurinn byrjar klukkan 19.00 og hvet ég fólk til að kíkja á völlinn.

Við fengum liðstyrk í lok síðustu viku þegar Jói Helga skrifaði undir lánssamning einmitt frá Val. Jói þekkir vel til hér enda spilaði hann með okkur í fyrra. Hann kemur til með að styrkja lið okkar mikið og bjóðum við hann hjartanlega velkominn.  

Á föstudag var fundur með stuðningsmönnum Grindavíkur og komust færri að en vildu. Á fundinum var aðeins farið yfir málin í stúkunni og líst mér alveg hreint ljómandi vel á þetta. Tryggvi Kristjáns rithöfundur með meiru var búinn að útbúa texta við hin ýmsu lög sem verða æfð næsta sunnudag í salthúsinu kl 15.00. Þá voru ræddar hugmyndir um nafn klúbbsins og nafnið Gulu djöflarnir er ofarlega á blaði eins og er enda mikið af United mönnum á fundinum. Ef fólk er með hugmynd um nafn þá endilega komið með það og svo verður það ákveðið á sunnudaginn. Ef fólk hefur áhuga á þessum félagsskap þá er málið að hafa samband við Einar Hannes, Tryggva eða Sigga Þór.

Óli Stebbi 

Stigaleikur

Boðið var uppá stigaleik í rokinu í Grindavík í morgun. Það verður að segjast eins og er að Nonvests fóru frekar létt með Vestin og unnu sannfærandi sigur 3-0. Það var agaður varnarleikur góð markvarsla og skynsamleg hraðaupphlaup sem var grunnurinn að sigrinum í dag. Einnig var það stór of stór biti fyrir vestin að tveir voru reknir útaf fyrir slagsmál. Auðvitað var það bara æsingur í hita leiksins en aðdáunarvert að sjá hvað þeir voru fljótir að sættast og ræddu málin niður í kjöl. Flott hjá ykkur sem áttu hlut að máli. 

STIGALEIKUR

Orri         6

Ray         6 

Goran     6

Helgi M   4

Eyþór     3

Paul       3 

Scotty    3

Óli Daði  3

Markó    3

Mike      3

Myha     3    Myha er varnarmaður á reynslu hjá okkur. Hann er frá Rúmeníu en hefur spilað á spáni.

Eysteinn 3

Palli        3

Jóhann   3

Alex       3 

Denni     1 

 

Óli Stebbi

Spá 8.sæti

Þór frá Akureyri lenda í 8 sæti samkæmt spánni góðu. Þórsarar eru fyrir mér óskrifað blað enda hef ég ekki séð þá spila í nokkur ár eða síðan Orri var uppá sitt besta með þeim. Lárus Orri er spilandi þjálfari þar og hinn reynslumikli Hlynur Birgis enn í fullu fjöri og þeirra besti maður. Það er aldrei auðvelt að spila á Akureyri og verður ekki í ár heldur. Við spilum við þá þar 15.júní. Hjaltalín ætti að geta gefið okkur upp helstu styrkleika og veikleika þegar þar að kemur..

Óli Stebbi 

Spá 9.sæti

Áfram heldur spáin á www.fotbolti.net og í dag er það 9.sætið. Vinir og okkar og frændur úr Njarðvík enda þar smkæmt henni. Persónulega held ég að þeir verði spútníklið sumarsins og endi mun ofar. Njarðvík spilar skemmtilegan bolta undir styrkri stjórn Helga Boga sem allir í Grindavík þekkja. Það sem er ekki alveg nógu gott fyrir okkur er að hann ásamt Alberti Sævars og Alla píp eru öllum hnútum kunnugir í Grindavík. Með Njarðvík spilar einnig Gessi gamli þannig að það verður langt frá því að verða auðveldir leikir gegn þeim.

Spá 10. sæti

Leiknir úr Breiðholtinu mun enda í 10. sæti ef spá fyrirliða og þjálfara liðanna í fyrstu deild rætist. Talað er um að Leiknir sé með ágætis lið en breiddin ekki mikil þannig að ekki má mikið útaf bregða hjá þeim. Ég veit að þeir eru með hörku framhefja frá Danmörku sem hefur verið að skora mikið hjá þeim undanfarin ár. Við spilum fyrsta heimaleik okkar við þá og það er eins gott að vera á tánnum og taka vel á móti þeim

Óli Stebbi

Sigur á Í.R. - Raggi Ragg í skýjunum

Var að koma heim af æfingaleiknum gegn Í.R. sem fram fór á frábærum gervigrasvelli þeirra Breiðhyltinga, sem hafa tekið þó nokkrum framförum undir stjórn Ásgeirs Elíassonar síðan við mættum þeim síðast í Reykjaneshöllinni.

  Paul kom okkur í 1-0 um miðjan fyrri hálfleik með frábæru skoti fyrir utan teig sem söng lag með Proclaimers efst í samskeytunum. Fljótlega eftir það jöfnuðu Í.R.-ingar en Alex tryggði okkur sigur er nokkrar mínútur voru eftir með skalla af 0,5 metra færi í 0,3 metra hæð, eftir að skot Andra Steins hafði verið varið í slána.

 Ekki ætla ég nú að tjá mig mikið meira um leikinn, enda kæmi sjálfsagt lítið af viti út úr því, þar sem ég er "meiddur í hausnum". Þegar Gunnar Sigurðsson, fyrrverandi markvörður ÍBV og Fram og núverandi markmannsþjálfari Í.R.-inga heyrði af því, sagði hann umsvifalaust:

"Bíddu....eruð þið fyrst að komast að þessu núna!?"

 Annars er ástæða skrifanna fyrst og fremst sú að er ég sat á bekknum um miðjan seinni hálfleik, þá spurði ég Ragga Ragg, hvort það væri eitthvað til í þeim orðrómi að það væru að koma einhverjir nýjir leikmenn til liðs við okkur fyrir mót.

  Raggi svaraði af sinni alkunnu stóísku ró um leið og hann lýsti yfir skoðun sinni á genginu í leiknum:

 

  "Nýir leikmenn!?!?! Það er að koma LEST!"

 

 

 

 

 

 

 

 

Raggi var ekki sáttur við gang mála á

bekknum í kvöld

 

 

 

 

 

 

Hér sést Orri eftir að

hafa misnotað DAUÐA-færi  

 

 

 

 

 

 

 

 

Lestin var komin á Hofsós um

kvöldmatarleytið. 

 

Húni.