Leikstíll

Þeir sem þekkja Jankó og hafa æft undir hans stjórn vita nákvæmlega hvernig bolta hann vill spila. Frá því við byrjuðum að æfa 15.nóv í fyrra þá höfum við verið að æfa stuttar sendingar og að halda bolta innan liðs. Það tekur tíma og mikla þolinmæði að ná upp svona leikstíl og oftar en ekki kemur þetta niður á úrslitum leikja. Nú held ég að þessi vinna sé loks að skila því sem maður hefur verið að bíða eftir. Við höfum oft á tíðum spilað vel í 45-60 min og dottið svo niður. Við náðum að skila þessum bolta í nánast 90 min í síðasta leik og spiluðum reyndar mjög vel á móti Breiðablik í síðustu viku líka. Þegar Jankó tók við 1999 tók alveg eitt ár að ná þessu, eftir það vorum í toppbaráttu í 3 ár. Vonandi er þetta komið til að vera og ekkert annað en toppbarátta næsta sumar í efstu deild. 

Til þess að við eigum að gera einhverjar vonir um gott sumar í efstu deild næsta sumar þá verðum við að klára leikinn á morgun við granna okkar úr Sandgerði. Góðir íþróttamenn kunna að bera virðingu fyrir andstæðingunum og fyrir því sem þeir eru að gera og það gerum við svo sannarlega. Reynir er að byggja upp fyrstudeildarlið og það á mörgum heimamönnum sem er frábært og vonandi tekst þeim það. Við höfum farið í gegnum flest lið i deildinni án þess að vanmeta neitt þeirra og það sama verður uppá teningnum á morgun. 

Við leikmenn hittum á góðan dag á móti Fjölni og það gerðuð þið í stúkunni líka. Ég las á spjallinu á umfg.is það sem Hammerinn skrifaði um að til að fá góða stemmningu þurfa leikmenn að spila vel. Ég get ekki með nokkru móti verið sammála honum þó að vissulega skemmi það ekki fyrir að leikmenn spili vel. Ég segi hins vegar að þegar illa gengur og mikill mótbyr er þá er stuðningur og sú stemmning sem ég veit að fólk hér í Grindavík getur búið til fleitt liðinu í gegnum það. Stuðningsmenn KR þurftu allavega ekki góða spilamennsku síns liðs til að hirða stúkunna í fyrra þegar við áttum einn af okkar bestu leikjum sem spilaðir hafa verið á Grindavíkurvelli. Ekki sé ég heldur áhorfendur í kop stúkunni hjá ónefndu liði halda kjafti þegar þeirra lið spilar hörmulega eins og þeir gera oftast hehe

Óli Stefán 

Athugasemdir

[PRÓ (IP-tala skráð) 21.9.2007 kl. 09:31]

Já allavega stend ég með mínu liði í blíðu og stríðu en auðvitað er þetta bara þannig að oftast fer stuðningurinn eftir því hvernig gengur inni á vellinum hjá alltof mörgum, því miður. En núna tökum við bara næsta skref að titlinum og klárum leikinn á laugardaginn eins og við gerðum á móti Fjölni. Verið tilbúnir að berjast frá fyrstu mínútu til þeirrar síðustu. Svo krossleggjum við bara fingur að veðurspáin standist ekki ;) 

Áfram Grindavík.

[fotboltafikill (IP-tala skráð) 21.9.2007 kl. 10:25]

tad er alleg rett ad vid megum ekki vanmeta reynismenn menn teir munu koma dyrvitlausir i tennan leik. Vid turfum ad vera tilbunir fra fyrstu minutu og klara tennan leik. Skiptir mali ad byrja vel. Koma svo strakar vinna leikinn. Og vid i stukunni verdum lika ad lata i okkur heyra. Umfjollun fyrir leik a www.blog.central.is/fotboltafikill

[Hammerinn (IP-tala skráð) 21.9.2007 kl. 13:27]

Úff búinn að reyna að senda nokkrum sinnum hérna inn en alltaf klikkað á samlagningunni!

 Það væri fínt að eiga svona stuðningsmenn sem ekki hræðast almennings álitið en það er of mikið um það hjá okkur og við rökkum ykkur alveg í spað ef illa gengur.....því miður!! 

Síðustu 2 ár höfum við svo verið fyrir ofan Arsenal í ensku kallinn minn og stefnum að enska titlinum næsta vor þannig að það er ekki nema von að menn syngja stöðugt!!

[Erla Ósk (IP-tala skráð) 21.9.2007 kl. 19:53]

Já, við hræðumst almenningsálitið einum of mikið... En málið er, að þetta verður allt miklu minna mál þegar það er hópur af fólki sem tekur sig saman um að stýra söngnum.  Svo er bara meiri stemning þegar stúkan er full - þannig að allir að mæta á völlinn á morgun! :)