Frábær leikur, frábærir stuðningsmenn

Loksins náðum við að sýna okkar fólki almennilega hvað við getum og hverju við erum góðir í, að halda bolta og spila á fáum snertingum. Maður bara fann það þegar við byrjuðum að við værum að detta á góðan dag, jafnvel þó að við lendum undir. Við spiluðum þann bolta sem að Jankó vill að við spilum og þá er ekki að spyrja að því. Ég var samt ekki alveg sáttur við að falla niður þegar við komumst yfir eins og er farið að gerast nokkuð oft en það kom ekki að sök því að við kláruðum leikinn með stæl.

Og þið gott fólk eigið stóran þátt í þessu því að þetta var það besta sem ég hef heyrt í sumar ásamt fyrsta leiknum á móti Stjörnunni. Þrátt fyrir rigningu og kulda var mikið fjör og læti of þetta gerir leikinn svo miklu miklu skemmtilegri.

Næst er það Reynir heima og ég skora á menn að ganga ekki að neinu vísu í þeim leik. Þetta verður hörku leikur og ef við höfum okkur ekki alla við þá fáum við ekkert úrúr honum. Ef einhverjir eiga að þekkja það að vera í botnbaráttu þá erum það við og við vitum því að þeir koma til með að gefa gjörsamlega allt í þennan leik. Hins vegar er mikið í húfi fyrir okkur því að fyrsta sætið er handan við hornið og þess virði að leggja allt í það að hirða dolluna. Takk fyrir góðan dag og auðvitað gerum við laugardaginn enn betri.

Óli Stefán 

Athugasemdir

[blog.central.is/fotboltafikill (IP-tala skráð) 20.9.2007 kl. 00:31]

Geggjaður leikur algjör snilld við rústuðum einu af sterkustu liðunum í deildinni. Þið eigið bara hrós skilið og ekkert annað en það. Bara til hamingju með geðveikt góðan leik, allt liðið. Leikurinn tekinn saman á www.blog.central.is/fotboltafikill 

[Siggi Birgis (IP-tala skráð) 20.9.2007 kl. 08:12]

Glæsilegur leikur í alla staði.

[Erla Ósk (IP-tala skráð) 20.9.2007 kl. 11:44]

Til hamingju með stigin þrjú!  (Ég fylgdist með beinu lýsingunni á umfg.is... frábært hversu fljótt síðan var uppfærð eftir að eitthvað gerðist!)  Ég frétti að þið spiluðuð frábærlega í erfiðu veðri.  Nú er bara að einbeita sér að Reynisleiknum, eins og þú segir, þá munu þeir mæta brjálaðir til leiks enda í botnbaráttunni.  Bestu kveðjur til liðsins...

[Höddi Hilm (IP-tala skráð) 20.9.2007 kl. 12:35]

Besti leikurinn í sumar klárlega. Frábær sigur og gaman á vellinum í gær. Taka svo bara 100% á þessu Reynis liði og koma okkur upp á meðal þeirra bestu.