Fjáröflun

 Jæja, lömbin mín.

 Nú skal safnað fé (og þá er ég að tala um peninga en ekki kindur, bara til að tryggja að Þorfinnur klikki ekki á ÞVÍ aftur eins og í fyrra. Það viljum við ekki að gerist, það tók Steinu fjóra daga að þrífa Gula húsið.)

 Hafið í huga hvort þið getið ekki selt einhverjum bækurnar um Íslenska Knattspyrnu og ef þið finnið kaupendur (og þá er ég ekki að tala um endur sem eru á launum, bara svo að Orri komi ekki með slatta af þeim eins og í fyrra (það tók Grétu SJÖ daga að þrífa Gula húsið eftir það, með yfirvinnu)) skráið þá niður hvaða árganga þá vantar og látið mig vita og svo pöntum við bara eftir því.

 Ekki er hægt að fá árganga 1981, 1982 og 1984.

 Heppilegt söluverð á stykkinu gæti verið 1500 kr. en menn ráða því alveg sjálfir og geta jafnvel gefið betra verð ef menn kaupa fleiri bækur.

 Þetta er gæðavara á frábæru verði en síðan á eftir að taka ákvörðun hvort allt fer í einn sjóð eða þeir verði verðlaunaðir sem bera sig eftir björginni. Fjáröflunarnefndin tekur þá ákvörðun og fer hún væntanlega alfarið eftir því hversu mikið þeir aðilar sem í henni eru selja, hlutfallslega.

 Munið það svo að þetta er fljótt að koma. Ef maður fær 1000 kall fyrir hverja bók, þá þarf maður ekki að selja nema fimm bækur og þá er maður kominn með 6000 kall!! 

 

P.s. Við þurfum að fara að safna saman símanúmerum og tölvupóstföngum allra leikmanna. 

Sendið mér email adressur og símanúmer á [e-mail]

 

    Sé ykkur á morgun,

 

    Virðingarfyllst,

 

    Húni Kjerúlf 

Athugasemdir

[Sjö-an (IP-tala skráð) 30.11.2006 kl. 14:21]

Ég bara trúi ekki þeir félagar hafi klikkað svona svakalega á þessu...

[Denni (IP-tala skráð) 30.11.2006 kl. 19:13]

Hahaha, en hvernig væri nú að taka einn lið í þessari fjáröflun með því að selja harfisk fyrir jólin, milli 16 og 20 og síðan aftur í mars?

[Sjö-an (IP-tala skráð) 1.12.2006 kl. 00:54]

Snilld Denni. En verðum við ekki að fá að prófa fiskinn áður en við seljum hann svo við vitum hvað við erum að selja ;)  hehe. Pottþétt besti harðfiskur landsins!

[Nonni (IP-tala skráð) 1.12.2006 kl. 07:43]

Fyllilega sammála síðasta ræðumanni

[Þorfinnur (IP-tala skráð) 1.12.2006 kl. 15:08]

hvað meinaru steini, hvað gerði ég síðast????? gerði ég eitthvað????

ég skil ekkert hvað er í gangi=) en án gríns, hvað gerði ég??

þarf að læra að skrá mig inn á þetta 

[Meistaraflokkur karla Grindavík, 1.12.2006 kl. 20:44]

HEHHE Góður Þorfinnur! Maður er bara að fíflast í ykkur. Verið ekkert að velta ykkur upp úr því þegar maður fer á flugið.