Þá er það ákveðið

að leikurinn á föstudag verður á Norfirði kl 17.15. Ástæðan er ekki sú að völlurinn á Eskifirði sé ónýtur heldur er heljarinnar veisla á Norfirði og verið að vígja rennubraut við sundlaugina hjá þeim. Það er frítt á völlinn þannig ef það var miðaverðið sem var að koma í veg fyrir að þið kæmuð á leikinn þá er það vandamál úr sögunni og ekkert því til fyrirstöðu að mæta. 

U23 ára liðið var að spila í kvöld við Hauka. Liðið var eins og í síðustu leikjum blandað eldri og yngri leikmönnum og fór leikurinn 5-0 fyrir Grindavík. Undra Steinn var með þrennu og hefur hann skorað 6 mörk í þremur leikjum í þessari keppni. Ray og Alex settu síðan sitt markið hvort. 

 Ivanarnir tveir ná ekki að klára mótið með okkur þvi þeir þurfa að fara í fyrramálið. Ég er ekki alveg klár á því af hverju en held samt að það tengist atvinnuleyfinu hjá þeim. Við þökkuð þeim félögum fyrir þeirra framtak í sumar. Marinko klárar hins vegar leikinn og lokahófið og fer síðan heim á mánudag.

Óli Stefán 

Athugasemdir

[PRÓ (IP-tala skráð) 26.9.2007 kl. 10:29]

Því miður þó það sé frítt á leikinn þá kemst ég ekki á völlinn !!! En ég sendi ykkur alla mína sigurstrauma austur ....og komið svo heim með 3 stig.

[Erla Ósk (IP-tala skráð) 26.9.2007 kl. 11:39]

Það verður erfiður leikur fyrir austan, en við stuðningsmenn fylgjum ykkur í bardagann - og sjáum til þess að öll 3 stigin komi heim í Grindavíkina...