Leikmenn, athugið!!!!

Á æfingunni á þriðjudaginn er mjög mikilvægt að allir komi með staðfestingu á vinningum í happdrætti getraunaleiksins á blaði og láti einhvern af nefndarmönnum hafa.

Í kjölfarið verður gerð endanleg vinningaskrá sem birt verður fyrir þátttakendur hér á síðunni. 

 

 

 

 

 

 

 

 

 Biggi Hermanns (27) vann gjafabréf upp

á 350 kr. frá ALCOA í happdrættinu í

fyrra. 

Yfirheyrsla

Við ætlum að yfirheyra Gunnar Már Gunnarsson aðstoðarþjálfara. Gunni ætti að vera flestum Grindvíkingum að góðu kunnur því hann er grindjáni í húð og öll hárin. Drengurinn var frábær knattspyrnumaður enn varð frá að hverfa alltof snemma vegna meiðsla. Hann er sjálfsagt þekktastur fyrir þrumuskotið í stöng í bikarúrslitaleiknum við KR 1994 en ennþá er talað um það. Að vísu spjallar hann mest um það sjálfur.

 

Sæll frændi, ertu tilbúinn???

Bíddu aðeins..

En núna??

Já ok

Hvaða liði heldur þú með í Færeysku úrvalsleildinni??

Vantar Málana 36

Hvort fannst þér þú vera betri varnar eða sóknarmaður??

Sóknarmaður að sjálfsögðu, Kóli hafði rangt fyrir sér

Hvað ertu með í forgjöf í golfi?? (Hann er búinn að vera í golfi í 18ár)

11

Hvor þjálfarinn var betri Bjarni Jó eða Gummi Torfa??

Af tvennu illu var það sennilega Bjarni

Hvor er skemmtilegri, Ingvar eða Bjarki??

 Ingvar, Bjarki sveik mig í gær??

Gull eða Calsberg??

 Gull

Af hverju finnst þér Orri svona leiðinlegur??

Af því að hann á svo fallega konu

Nú hefur þú verið að gagnrýna Jankó mikið, hvað finnst þér að hann þurfi að bæta

Hann þarf að bæta við  sendingaræfingum. Alltof ALLTOF lítið af þeim..

Sáttur við spurningarnar??

Magnaðar alveg

Við þökkum Gunna fyrir hreinskilnina. Hann skorar á okkur að taka Jónas í yfirheyrslu næst

 

Óli Stebbi

 

 

 

Vinningar

Getrauna/Happadrættis leikurinn stendur sem hæst núna. Leikmenn eru á fullu að selja og gengur salan bara nokkuð vel. Vinningarnir eru af ýmsum toga og í getraunaleiknum verða fyrstu þrjú sætin verðlaunuð. Fyrsta sæti er flugmiði á hvaða áfangastað Icelandair í Evrópu sem er. Annað sæti er síðan helgarferð fyrir 2 til Akureyrar þar sem gist verður á Hótel KEA. Þriðja sætið er síðan ársmiði á völlinn í sumar. Þó að menn vinni ekki í getraunaleiknum þá er nú aldeilis ekki öll nótt úti enn því að það verður dregið úr öllum seldum miðum í happadrætti. Meðal vinninga þar er..

Flugmiði á hvaða áfangastað Icelandair sem er innan Evrópu

Mánaðarkort í Helgasporti

Ljósakort frá Sælunni

Út að borða á Bada Bing (staðurinn hans Árna Björns)

25 þús. krónur í beinhörðum peningum

Klipping (Hársel)

Klipping (Hárhornið)

Gjafabréf frá Nettó

Fiskiöskjur

4 x 1 kg af Harðfiski frá Stjörnufiski (sá besti á landinu)

Spóla (dvd) ásamt meðlæti frá Aðalvideo

Gisting á Northern Light Inn (Bláa Lónið)

Gjafakarfa frá Te & Kaffi, Egilsstöðum 

Gjafabréf upp á vörur eða þjónustu að verðmæti kr. 4.600.- frá hárgreiðslustofunni Möggurnar í Mjódd

Umfelgun á fólksbíl hjá Nesdekk á Seltjarnarnesi

Út að borða fyrir tvo á Lukku Láka

Gisting fyrir tvo á Hótel Rangá með morgunverð

 

Þetta er það sem komið er en enn er von á fleiri vinningum ,og koma þeir inn á síðuna um leið og svarið kemur, þannig að listinn á bara eftir að stækka.

Við viljum enn og aftur koma fram þakklæti til þeirra sem hjálpa okkur með því að gefa vinninga og svo auðvitað ykkur sem kaupið miða.

Óli Stebbi

Grindavík-Keflavík

Við spiluðum við granna okkar úr Kef í gær í Reykjaneshöllinni. Til að gera langa sögu stutta þá tapaðist sá leikur 3-2 og skoruðu Alex og Orri mörk okkar manna. Þó að úrslitin séu ekki eins og við viljum hafa þau þá er mikilvægt að það er mikill uppgangur í þessu hjá okkur og Jankó var mjög ánægður með leikinn. Við erum að fá á okkur óþarfa mörk sem auðvelt er að koma í veg fyrir og erum á sama tíma að skapa okkur mjög góð færi sem eru að fara forgörðum. Þetta fræga Jankóspil er að koma og við teljum okkur vera á góðri leið. Vert er að minnast á frammistöðu þeirra Jobba og Alexanders. Þeir erum báðir í hópnum hjá 19ára landsliðinu og eins og þeir spiluðu í gær efast ég ekki um að þeir eigi eftir að spila marga leiki fyrir Íslands hönd. Jobbi er gríðalega skemmtilegur bakvörður sem hikar ekki við að sækja og hefði getað skorað 1-2 mörk í gær. Alex hefur tekið miklum framförum á síðasta ári og er mjög skapandi leikmaður með mikla tækni. Endilega halda áfram á þessari braut drengir.

Óli Stebbi

Suðurnesjaslagur

Í kvöld er æfingaleikur hjá meistaraflokki gegn grönnum okkar Keflvíkingum í Reykjaneshöllinni.

 

Um að gera að láta sjá sig og athuga stöðuna á liðinu í leik gegn sjálfum bikarmeisturunum. 

 

Af-spark (íslensk þýðing á engilsaxneska orðinu "Kick-off") er klukkan 17:40.

 

Leikið var gegn Víði um daginn og hér koma nokkrar myndir frá þeim leik (smellið á þær til að sjá þær stærri) 

 

 

 

 

 

 

 

 

 

 

 Hjörtur kom inn á í markið í

seinni hálfleik.

 

 

 

 

 

 

 

 

Stuðningsmenn Víðismanna létu ekki sitt

eftir liggja.

 

 

 

 

 

 

 

 

 

Þeir Leifur (31), Rikki (29), Bjarki (34)

og Ingvar Guðjóns (22), stuðningsmenn

Grindvíkinga voru öllu rólegri.

 

 

 

 

 

Stjórnin var á sínum vanalega

stað.

 

 

 

 

 

 

 

Jói húsvörður...

 

 

 

 

 

 

 

 

 

...var með barinn opinn. 

Getrauna/Happadrættis leikur

Helgin nálgast og fyrstu leikir seðilsins eru á laugardaginn. Menn eru á fullu að selja og áhugasamir endilega hafa samband bara við þann sem standa ykkur nálægt og taka þátt. Seðillinn er á 3500 krónur og gildir sem happadrættismiði líka. Vinningslistinn er orðin svakalegur og á bara eftir að stækka því við erum á fullu að safna ennþá.Ég vil þakka þeim sérstaklega sem eru að hjálpa okkur með vinningana. Listinn verður opinberaður á fim-föstudag. Við erum með nokkuð marga vinninga þannig að líkur á að vinna eru þónokkrar. Seðillinn er hér fyrir neðan og þegar honum er skilað inn og búið er að borga þá eru menn orðnir þátttakendur.

Tippað verður á eftirtalda leiki:

10/2 Everton v Blackburn
10/2 Chelsea v Middlesbrough
10/2 Newcastle v Liverpool

24/2 Charlton v West Ham
24/2 Middlesbrough v Reading
24/2 Aston Villa v Arsenal

25/2 Tottenham v Bolton

3/3 Arsenal v Reading
3/3 Liverpool v Man United

4/3 West Ham v Tottenham

17/3 Blackburn v West Ham
17/3 Everton v Arsenal
17/3 Man United v Bolton

31/3 Liverpool v Arsenal

Óli Stebbi

Bláa Lónið veitir styrk til Tyrklandsfarar

Bláa Lónið, sem, ásamt dugnaði í íþróttum og fiskveiðum er það sem Grindavík er fyrst og fremst þekkt fyrir um allt land og jafnvel víða um heim, hefur ákveðið að veita Meistaraflokki karla styrk vegna æfingaferðar til Tyrklands í vor að upphæð kr. 40.000.-

Við leikmenn viljum koma á framfæri kæru þakklæti og hvetjum auðvitað alla til að skella sér í Lónið og nýta þá framúrskarandi aðstöðu sem þar er fyrir hendi.

Er ekki kominn tími á það? 

 

Bóndagur

Það hefur komið í ljós að það eru fleiri en við með þessa fjáröflun sem er bara gott mál en leiðinlegt að það þurfi að detta á sama tíma. Við leikmenn höfum lengi verið með þessa dagsetningu í huga og er dagsetningin tengd öðrum málum hjá okkur þannig að við getum ekki breytt henni. Við verðum því með laugardaginn áfram og vonum bara að sem flestir láti sjá sig en virðum það að það eru fleiri en við að fjárafla.

Þessar æfingaferðir sem við förum í árlega eru að mínu mati algjörlega nauðsinlegar því þar erum við að æfa í viku-tíu daga við bestu hugsanlegu aðstöður. Aðstæður eru ekki góðar yfir vetrartímann og æfingar 5-6 mánuði yfir árið án þess að grasið sé farið að svo mikið sem grænka. Svona ferð er ekki ókepis og borgum við leikmenn allan kostnað sem er yfir 100 þúsund á mann.

 

Óli Stebbi

Tap gegn Víði

Við spiluðum við Víði í dag og endaði leikurinn 3-2 fyrir Víði. Strákarnir sem minna hafa fengið að spila fengu að spreyta sig í leiknum í dag og sérstaklega var gaman að sjá Markó á miðjunni. Drengurinn er bráðefnilegur og er að koma á fljúgandi siglingu upp. Okkar strákar spiluðu á köflum mjög vel en það má segja að kæruleysi hafi kostað okkur sigurinn því mörk Víðismanna komu nánast uppúr engu.  Ekki má þó gera lítið úr Víðisliðinu því þar virðast menn vera að gera fína hluti og vonandi að þeir komi sér úr þriðju deildinni því þar eiga þeir ekki heima.

Lið Grindavíkur í dag    Mark  Helgi í fyrri hálfleik Hjörtur í seinni hálfleik

                                    Vörn  Jóhann - Ási - Albert - Jobbi

                                   Miðja  Einar Helgi - Skotty - Markó - Alex

                                    Sókn  Mike - Orri

 Óli Daði-Óli Baldur-Þorfinnur komu inná í seinni hálfleik.

 

Óli Stebbi

 

Grindavík-Víðir

Á morgun spilum við við Víði kl 17.00 í Reykjaneshöllinni. Við erum mikið búnir að lenda í því að leikjum sé frestað hjá okkur að undanförnu og verð ég að viðurkenna að það er ekki margt sem fer meira í taugarnar á mér en það. Leikurinn á morgun verður meira fyrir þá sem minna hafa spilað hingað til og er það bara flott mál. Þessa leiki eiga menn að nota til að sýna það að þeir eigi heima í fyrstu 11.

Við erum byrjaðir á fullu að fjárafla fyrir Tyrklandsferðina og vonum við að vel verði tekið á móti strákunum með Getrauna/happadrættis seðlana. Líkurnar á því að fá vinning eru miklar og boðið er uppá góða vinninga. Næsta laugardag ætlum við síðan að taka að okkur að bóna bíla að innan sem utan og skilum við ekki af okkur bílum nema að þið séuð sátt við þá. Við verðum uppí Gula húsi frá kl 09.00 um morgunin með heitt á könnunni og tökum á móti gestum sem hafa áhuga á því að kaupa miða því fyrstu leikirnir á seðlinum er einmitt þann dag (10.feb). Einnig tökum við á móti pöntunum í bónið sem verður allan daginn. Hægt er að panta bón í athugasemdum á þessari síðu.

Óli Stebbi