mfl karla í Grindavík bloggar

      Komið þið margblessuð og sæl. Við sem eftir erum í fótboltanum í Grindavík höfum nú ákveðið að fara að blogga. Umræðuefnið hjá okkur kemur til með að snúast að mestu um boltann og það sem að honum snýr. Þetta er líka hugsað sem upplýsingasíða fyrir okkur leikmenn sem og stuðningsmenn liðsins. Við eigum nokkra öfluga penna og ber helst að nefna Eystein Hauks, Eyþór Atla og fleiri og fleiri. Að vísu er besti bloggarinn okkar Orri Hjaltalín í 10 ára banni eftir að hafa farið misfögrum orðum um okkar virtustu og bestu dómara þannig að hann má ekki koma nálægt þessu fyrr en í ágúst 2014. Við vonum að þið eigi eftir að hafa gaman að þessu framtaki okkar því til þess er leikurinn gerður. Næstu daga og vikur getur verið að síðan breytist eitthvað á meðan við erum að koma okkur fyrir í þessum vinsæla bloggheimi.