Undirbúningur fyrir leik

Á leikdegi undirbúa menn sig misjafnlega fyrir leik. Sumir vilja sofa fram eftir öllu og liggja bara fyrir fram að leik. Aðrir vilja vakna snemma og helst vinna fram að leik. Menn borða líka misjafnlega og á öllum tímum dags. Ég hef meira að segja heyrt um leikmann sem verður að lúlla hjá konunni rétt fyrr mætingu. Sitt sýnist hverjum í þessu eins og öllu öðru.

Minn fullkomni undirbúningur fyrir leik er hins vegar á þennan veg.

Ég vil helst vinna fram að hádegi og borða vel strax eftir vinnu. Þegar heim er komið legg ég mig í svona einn og hálfan tíma. Vakna um 14.30 og skelli mér í kalda sturtu.

Frá 15.00 til 16.00 fer ég í sófann og horfi á gamlan leik með Grindavík og verð ég að hafa spilað vel í þeim leik og helst skorað (ekki erfitt að finna svoleiðis leik þar sem maður á tugi marka í efstu deild).

 Uppúr 16.00 skelli eg mér á Nings og fæ mér núðlurétt númer 68 á matseðlinum og hrísgrjón plús kalt vatn með.

Eftir matinn er klukkan að ganga 17.00 og fer að líða að mætingu. Ég fer og klæði mig í mætingagallann og set búnaðinn í töskuna og legg af stað suður (miðað við að ég sé að spila í Grindavík)

 Á leið minni suður tengi ég handfrálsa búnaðinn í símann og hringi í tvo af mestu knattspyrnuspekingum landsins þá Björn Óskar Andrésson og Rúrik Hreinsson og fer yfir leikinn með þeim. Í þessu samtali er farið yfir hvernig ég fagna marki ef ég skora og hversu margar kippur af bjór ég fæ fyrir hvert mark.

 Ég er kominn suður einum og hálfum tíma fyrir leik og það er tími fyrir eina appelsínu og svart kaffi sem ég sötra á meðan Jankó fer yfir leikinn. 40 min fyrir leik er ég síðan kominn út á völl í upphitunar rútínu sem ég fer alltaf í.

Svona er minn fullkomni leikdagur. Ég er alls ekki að segja að þetta það sé gott fyrir alla að fara í þessa rútínu en eftir 20 ára rannsókn hjá mér þá er ég búinn að komast að því að þetta hentar mér fullkomnlega.

Óli Stefán

Athugasemdir

[Helga Björg Flóventsdóttir (IP-tala skráð) 17.8.2007 kl. 17:40]

Bara búið að skipta út hakki og spaghetti hjá mömmu fyrir Nings!?

Gangi ykkur vel í kvöld :)

Kv.Helga

[Nonni (IP-tala skráð) 17.8.2007 kl. 23:21]

Rétt er það frændi að Nings klikkar ekki:)...þessi rútína skilaði sínu í dag og sáu þeir grænklæddu ekki til sólar(nema þá í bókstaflegri merkingu).