Vellirnir frábærir

Ég held að það sé á hreinu að hvergi er betra að vera á sumrin í fótbolta en í Grindavík. Vellirnir að verða frábærir eftir erfitt vor. Þegar maður sér myndirnar af svæðinu sem Þorsteinn Gunnar tók úr flugvél verður maður enn stoltari af því að vera Grindvíkingur.

 

 

 

 

 

 

 

 

 

Við eigum næsta leik á þessum glæsilega velli á föstudag kl 20.00 við Þrótt Reykjavík. Þeir voru að spila í kvöld og unnu KA 2-0 og þar með eru þeir í öðru sæti með 13 stig. Þessi leikur verður því toppslagur af bestu gerð og hvet ég alla Grindvíkinga að mæta og láta virkilega í sér heyra því að Köttararnir ætla að mæta með fullt af liði og þykjast ætla að gera stúkuna rauða og hvíta. Við látum það ekki gerast og mætum öll í gulu.

Óli Stefán

Athugasemdir

[orri (IP-tala skráð) 20.6.2007 kl. 19:42]

já sammála, með þessu áframhaldi fara þeir að nálgast vellina á Akureyri