Getraunaleikurinn

Það fór þá þannig að það enduðu sjö með 10 rétta af 14 sem verður að teljast frábær árangur. Reglur leiksins segja að ef það verði fleiri en einn á toppnum þá verði að grípa til bráðabana. Bráðabaninn fer þannig fram að fljótlega verður haft samband við þá sjö efstu og þeir fengnir til að tippa á seðil og eins og áður má bara nota eitt merki á leik. Þeir sem verða í þremur efstu sætunum að loknum bráðabana verða svo verðlaunaðir. Orri er að fara yfir lokastöðu og má vænta hennar fljótlega.  

Á morgun er leikur hjá okkur í Lengjubikarnum. Andstæðingar okkar að þessu sinni er  Víkingur Reykjavík. Þetta er fimmti leikur okkar í þessari keppni og eftir frekar erfiða byrjun þá hefur leiðin legið uppá við. Leikurinn á morgun verður líka athyglisverður fyrir þær sakir að við erum að spila við Kela gamla í fyrsta skipti síðan karlinn fór síðasta sumar. Við spilum við þá í Egilshöllinni og byrjar leikurinn 17.00

Óli Stebbi 

Athugasemdir

[orri (IP-tala skráð) 1.4.2007 kl. 01:11]

það má kannski bæta því við að það voru 11 með 10 leiki rétta og því gríðarleg spenna fyrir bráðabananum