Frábær helgi

Nú er þessi frábæra helgi að enda komin. Laugardagurinn var tekin snemma og hittumst við í gula húsinu kl 9.00. Þaðan lá leiðin í Veiðafæraþjónustuna þar sem við vorum með aðstöðu fyrir bílabón. Eftir frekar brösulega byrjun þá komumst við á fljúgandi siglingu og enduðum á að bóna 25 bíla yfir daginn en síðasti bíllinn rann í gegn rúmlega átta um kvöldið. Þaðan lá leiðin í sturtu og við hittumst um 9 á Kaffi Grindavík. Þar var Helgi Einar búinn að útbúa fyrir okkur þessa líka frábæru súpu sem rann frekar ljúflega niður. Þegar menn voru orðnir ágætlega mjúkir tók skemmtinefndin völdin og brugðið var á leik. Það verður bara að segjast alveg nákvælega eins og er að Ási De Niro átti kvöldið. Fyrst sigraði hann spunaleikinn með stórbrotnum einleik þar sem hann átti að hafa  misst besta vin sinn í fjallgöngu. Ása tókst að túlka þetta erfiða hlutverk það svakalega að það sáust leka tár niður kinnar Einars Helga. Strax er farið að tala um Óskarstilnefningu. Í söngvaleiknum fór drengurinn einnig á kostum og sigraði með glæsibrag þó eftir mikla samkeppni frá Óla Baldri sem söng þjóðsönginn með miklum glæsibrag. Þegar leikar stóðu sem hæst gengu í hús leynigestirnir, við mikinn fögnuð viðstaddra, en þeir Keli og Óðinn ákváðu að heiðra okkur með komu sinni og var mjög gaman að fá þá félaga í heimsókn.

Í dag sunnudag var síðan fjórði stigaleikur ársins. Í þetta sinn voru þjálfararnir með þar sem þeir völdu liðin. Það verður bara að segjast alveg eins og er að það er ástæða fyrir því að Jankó er aðalþjálfari og Gunni aðstoðarþjálfari. Lið Jankó sigraði 8-4 og nokkuð ljóst að sumir hafa verið aðeins duglegri en aðrir í bjórdrykkju kvöldið áður því ójafnari stigaleikur hefur ekki verið leikinn á árinu. Þorfinnur skoraði þrennu og lagði grunnin að sigrinum. Sigurliðið var þannig skipað að Helgi var í markinu Óli Stefán og Abbi hafsentar. Nonni og Siggi bakverðir, Markó og Eyþór á miðju, Einar Helgi og Óli Baldur kantar og svo Orri og Þorfinnur senterar. Þessir leikmenn bættu semsagt stigum á listann sinn. Ekki er hægt að hætta án þess að minnast á ótrúlegan dómara leiksins en Andri Steinn stjórnaði honum af svakalegri röggsemi.

Ég vil þakka ykkur fyrir helgina drengir og það er á hreinu að það er með svona samheldni sem menn ná árangri. Við náðum ágætis árangri í fjáröfluninni og við höldum ótrauðir áfram. Við viljum þakka þeim sem hjálpuðu okkur á einn eða annan hátt að gera þessa helgi eins góða og raun bar vitni.

 

	Stigaleikur
Stig
Albert	10
Óli Stefán	10
Villi	7
Jóhann		7
Óli Daði	7
Óli Baldur	7
Helgi Már		7
Orri		7
Palli	6
Andri Steinn		4
Hjörtur	4
Jobbi	4
Alex	4
Skotty	4
Gummi	4
Eyþór		4
Nonni	4
Siggi	4
Þorfinnur	4
Einar Helgi	4
Emil	3
Eysteinn	1
Ray	1
Mike	1
Ási	1
Markó                                                                        4

Þjálfarastig

Jankó                                                                                    3

 

Óli Stebbi

Athugasemdir

[Nonni (IP-tala skráð) 12.2.2007 kl. 14:59]

Takk sömuleiðis fyrir góða helgi

[andri steinn birgisson, 12.2.2007 kl. 17:19]

finnst ad dómarinn ætti að fá að minnsta kosti 1 stig fyrir frábæra framistöðu

[sjö-an (IP-tala skráð) 12.2.2007 kl. 18:01]

Það er bara þannig að menn verða að vera með til að fá stig. En dómgæslan var góð sérstaklega hvernig þú afgreiddir slagsmálin milli Gumma og Óla Baldurs:)

[andri steinn birgisson, 12.2.2007 kl. 20:06]

maður verður ad leyfa leiknum ad ganga ömurlegt þegar alltaf er verið ad stoppa!! svo var gummi heppin ad fá ad hanga inná vellinum,Orri var ad spá í ad gefa honum peysuna 

[Marko (IP-tala skráð) 13.2.2007 kl. 18:08]

herðu er ég ekkert með í þessari keppni eða ?:O ha? þótt að ég sé sonur þjálfarans þá þýðir ekkert að nafnið Markó eigi ekki að vera þarna ha?

Stigaleikur
Stig
Albert	10
Óli Stefán	10
Villi	7
Jóhann		7
Óli Daði	7
Óli Baldur	7
Helgi Már		7
Orri		7
Palli	6
Andri Steinn		4
Hjörtur	4
Jobbi	4
Alex	4
Skotty	4
Gummi	4
Eyþór		4
Nonni	4
Siggi	4
Þorfinnur	4
Einar Helgi	4
Emil	3
Eysteinn	1
Ray	1
Mike	1
Ási	1

MARKO                                                             4

[Sjö-an (IP-tala skráð) 14.2.2007 kl. 18:05]

Markó þú byrjaðir nátturlega 4 stigum á eftir fyrir að vera sonur þjálfarans;) nei nei ég er búinn að laga þetta en endilega fylgjast með hvort þetta komi ekki rett inn