Fyrsti stigaleikur ársins

     Skotty Skoraði í kvöld      Það vantaði ekki kraftinn og baráttuna á æfingu dagsins. Eftir upphitun að hætti Jankó og sendingaskotæfingu tókum við fyrsta stigaleik ársins. Spilað var 2x20 min og endaði leikurinn 4-3 fyrir þá sem voru ekki í vestum. Það tók menn fyrri hálfleik svona rétt að átta sig á alvöru málsins og hvað var í húfi í þessum leik en staðan var 1-0 fyrir vestin eftir gott skallamark Micaels James Jónssonar. (Þori að veðja að þið vissuð ekki að James væri millinafn hans) Seinni hálfleikurinn var alvöru. Vestisleysin tóku við sér og jöfnuðu með stungumarki Andra en Eyþór Atli kom vestum aftur yfir með góðu skoti. Aftur náðu vestisleysin að jafna með frekar skondnu marki Andra þar sem hann notaði aldursforsetann í liðinu sem nokkurnskonar batta. Þorfinnur kom vestum enn og aftur yfir með vippu yfir Helga Má. Þegar þarna var komið til sögu voru ekki nema 4 min eftir og baráttan á vellinum var farin að minna um margt á atriði úr mynd Mels Gibsonar Braveheart. Það var því vel við hæfi að skotinn knái Scott Ramsey kæmin með næsta mark sem kom eftir frábæra sókn vestislausra og Skotty hamraði hann inn utan teigs. Nú voru 2min eftir og allt í járnum. Páll nokkur Guðmundsson miðjumaður Vestislausra stal þá boltanum af besta vini sínum honum Þorfinni brunaði með hann fram og lét vaða af 30 metrunum og auðvitað steinlá hann í netinu. Þrátt fyrir mikla pressu undir lokin náðu vestin ekki að jafna og þar með ljóst að vestislausir standa uppi sem sigurvegarar í þessum fyrsta stigaleik ársins.

Þeir sem eru komnir með 3 stig eru

Helgi Már - Villi - Albert - Óli Stefán - Óli Hermanns - Óli Baldur - Palli Guðmunds - Jóhann Helgi - Skotty - Andri Steinn

Kosið var fyrirliða og endaði talning þannig að undirritaður var valinn fyrirliði. Ray verður síðan varafyrirliði og Eysteinn Húni verður fyrirliði númer 3.

Óli Stebbi                         

Athugasemdir

[andri steinn birgisson, 15.1.2007 kl. 14:54]

ótrulega skemmtilegur leikur i gær og ekki leiðinlegt ad taka eystein í bakaríið og svekkja hann, svo en meira með að lata hann hjalpa mér ad skora jíbbbbbbiiiiii

[neggert (IP-tala skráð) 16.1.2007 kl. 01:00]

haha ekki gleyma að villzneggg bjargaði á marklínu og ef það hef'i ekki skeð þá hefði leikurinn farið 4-4 ekki sattt nr7

[Sjö-an (IP-tala skráð) 16.1.2007 kl. 09:51]

jú Villz það er rétt hjá þér. Þú fórnaðir þér fyrir málstaðinn og við fengum 3 stig að launum;) Takk fyrir það;)