Palli Guðmunds með G.G. í sigurleik

Gleðigjafinn og öðlingurinn Páll Guðmundsson hefur ákveðið að skipta yfir í 3. deildarlið G.G., þar sem tækifæri þessa útsjónarsama miðjumanns í Grindavíkurliðinu hafa verið af skornum skammti undanfarið.

Hjá G.G. er hann að spila heila alvöruleiki og það er kannski eins gott fyrir knattspyrnuáhugamenn á svæðinu, þar sem hann gerði stórglæsilegt mark í 3:2 sigurleik gegn Kára frá Akranesi á gamla vellinum í gærkvöldi.

Palli stakk sér inn af miðjunni og tók góða sendingu á bringuna, áður en hann vippaði boltanum utanfótar til hægri yfir varnarmann og lagði hann af öryggi í bláhornið vinstra megin frá vítateigslínu.

Þó Palli hafi skipt yfir í Golfklúbbinn kemur hann til með að æfa áfram með okkur í Ungmennafélaginu og fögnum við því auðvitað sérstaklega.

Að lokum sendum við baráttukveðjur til G.G manna og hamingjuóskir vegna góðs sigurs á liði sem var alls ekki fjarri því að fara upp í 2. deild síðastliðið sumar. 

Tippleikurinn

loksins loksins eru komin úrslit í getraunaleiknum okkar vinsæla.  Yfir 200 manns hófu leikinn og spreyttu sig á enska seðlinum okkar og eftir 14 umferðir voru 11 jafnir með 10 leiki rétta sem er einstaklega góður árangur miðað við að aðeins má nota eitt tákn við hvern leik.  Þeir 11 sem eftir voru háðu svo bráðabana sem endaði með því að 4 stóðu eftir og voru þeir látnir tippa á fyrstu umferðina í 2 efstu deildunum hér á landi og greinilegt var á þeim úrslitum að kunnátta þeirra á knattspyrnu hér á landi mætti vera betri.  En loksins fékkst út um það skorið hver væri bestur í tippinu og var það engin annar en snillingurinn Bjarki Guðmundsson.  Í öðru sæti var Helga, í þriðja sæti var Nonni Gúnda og Ólöf tengdamamma hans Óla Stefáns í fjórða sæti en þess má til gamans geta að hún setti táknið 1 á alla leikina.  við leikmenn meistaraflokks Grindavíkur óskum þeim innilega til hamingju og verður vinningunum komið til þeirra við tækifæri.

 

Orðsending frá Sigga bakara

 

 

 

 

 

 

Sigurður Enoksson, stórbakari og Arsenal maður gerði sér lítið fyrir og vann kosninguna um formannsembættið í Arsenalklúbbnum nú um helgina og óskum við honum innilega til hamingju með það 

Eftirfarandi orðsending barst okkur nú í dag frá Sigga:

 

Þakka kærlega fyrir stuðninginn strákar og góðu straumana sem þið gáfuð mér í þessari baráttu um formannsstólinn í mínum ylhýra Arsenalklúbb! Það skilar sér alltaf þegar fólk stendur saman og breiðir út sína útgeislun og góðan málstað!

Kær kveðja, Sigurður Enoksson, verðandi formaður Arsenal klúbbsins á Íslandi!!

P.S. Skulda ykkur einn greiða!!!! 

 

Hér má sjá niðurstöður kosninganna á vefsíðu klúbbsins 

 

 

 

 

 

 

 

 

 

 

 

Siggi andaði léttar eftir 

sigurinn er ljósmyndari

vefsíðunnar heimsótti hann

á heimili hans í dag. 

Leikja-kort

Sigurpáll Jóhannsson, netsnillingur hefur verið að vinna að því að útbúa svokallað leikja-kort fyrir sumarið.

Á þessu korti má finna dagskrá sumarsins hjá meistaraflokki karla og U23 ára liðinu, auk úrslita (þó ekki úrslit þeirra leikja sem ekki eru búnir, hann er ekki ÞAÐ MIKILL net-snillingur).

Þetta er mjög smekklega unnið og um að gera að skoða þetta og smella á myndirnar, og þegar maður flakkar með músina inn á kortið kemur ýmislegt á óvart. Til dæmis er hægt að nota nokkurs konar aðdráttarlinsu (vinstra megin á skjánum) til að nánast sjá litinn á hornfánum vallanna.

Kort Sigurpáls getið þið skoðað hér

 

 

 

 

 

 

 

 

Hér má sjá Palla að vinnu við gerð kortsins. 

Formannskjöri Arsenal klúbbs lýkur á morgun!!

Við minnum Arsenal menn á að á morgun, sunnudaginn 20. maí, verður skorið úr um það hver verður næsti formaður Arsenal klúbbsins á Íslandi.

Það er ekkert leyndarmál að við Grindvíkingar styðjum okkar eina sanna Sigurð Enoksson í því kjöri en skráðir meðlimir klúbbsins geta kosið á heimasíðu hans sem finna má hér. 

Gangi þér vel, Siggi.

Kveðja frá meistaraflokki karla. 

3 stig tekin af baráttuglöðum Leiknismönnum

 

 

 

 

 

 

 

Andri Steinn freistar þess að skapa svæði.

 

Leiknismenn úr Breiðholti mættu í heimsókn í gærkvöldi á okkar ástkæra Grindavíkurvöll, sem var nokkuð erfiður yfirferðar, eins og eðlilegt er á þessum árstíma. Töluvert af sandi er í honum og hann er ekki orðinn fyllilega gróinn. Þessar vallaraðstæður, ásamt strekkingsvindi og því að tvö baráttulið voru á vellinum, gerðu það að verkum að aðstæðurnar til að leika boltanum á milli voru ekki þær allra auðveldustu. Þrátt fyrir það sáust þó oft fínir samleikskaflar og ofarlega í huga eru þær sóknir sem byggðust í kring um bakverðina okkar, þá Mike og Jobba. Ekki þeir kraftalegustu á að líta, en hafa þegar sýnt að það er hægt að vera ógnvekjandi á annan máta en þann.

Leiknismenn áttu fyrstu markskotin og greinilegt var að þeir höfðu lagt upp með að nýta vindinn í fyrri hálfleik, þar sem þeir skutu hiklaust af löngu færi, sem var ekkert óskynsamlegt. Ekkert þessara skota skapaði þó verulega hættu.

Hornspyrnur skotanna tveggja voru hreint út sagt frábærar í gær og eftir eina slíka bombu frá Scottie átti Orri (O´Connor) þrumuskalla sem markvörður þeirra varði frábærlega í horn hinu megin. Alveg ótrúlegt hvernig Scottie nær að setja þennan þrumu-snúning á boltann gegn vindinum. Fyrsta markið kom svo upp úr annari slíkri hornspyrnu um miðjan fyrri hálfleik en þá var Gummi Bjarna mættur eftir klafs og þrumaði boltanum í markið með langskoti af 0 metra færi og fagnaði eins og óður væri, ásamt liðsfélögunum og fjölmörgum áhorfendum. 

Í seinni hálfleik fengum við "rok-hið í bak-hið", eins og andstæðingar okkar í næstu umferð kalla það og byrjuðum af krafti, þó illa gengi að vinna á þéttri Leiknisvörninni. Leiknismenn komust svo smátt og smátt betur inn í leikinn, án þess þó að skapa verulega hættu en það er örugglega ekkert grín fyrir þessi lið að sækja á okkur, vitandi það í undirmeðvitundinni, að ef þeir missa boltann, er kapphlaup við "Svarta Pardusinn" yfirvofandi. Skyndisóknir okkar sköpuðu mest vandræði fyrir Leiknismennina, þar sem fyrrnefndar aðstæður gerðu okkur erfitt fyrir í stutta og þrönga spilinu þegar hin skipulagða og viljasterka vörn andstæðinganna náði að stilla sér upp. Paul var þó einna mest áberandi í því að leggja "gestaþrautir" fyrir varnarmenn Leiknis þegar hann snérist í kringum þá hvað eftir annað, en þó hann næði stundum að gera þá ringlaða og væri ógnandi og ákveðinn, vantaði yfirleitt herslumuninn í að skapa klár marktækifæri. Óli Stefán var þó mjög nálægt því að skora er hann tók einhvers konar netta "öfuga-bakfalls-hliðar-utanfótar-spyrnu" af stuttu færi eftir horn, sem lenti ofan á þverslánni og aftur fyrir mark.

Baráttan á vellinum og í stúkunni var allsráðandi og það var í raun ekki fyrr en í lok leiks sem við náðum að innbyrða sigurinn endanlega. Goran, sem komið hafði inn sem varamaður fyrir Mounir, fékk þá frábæra sendingu inn fyrir eftir að við höfðum unnið boltann af Leiknismönnum og gerði hann sig líklegan til að klára dæmið nákvæmlega eins og í fyrsta leiknum og það á sömu mínútu. Hann var hins vegar togaður niður af Leiknismanni er hann átti um tíu metra eftir að teig og fékk sá hinn sami rauða spjaldið "med det samme". Hafi svartsýnustu mönnum ekki fundist þetta nóg til að landa stigunum þá færði Scottie þeim vissuna með því að taka aukaspyrnuna af sinni alkunnu snilld og skrúfa boltann með vindinum algjörlega út við stöng, vinstra megin, frá honum séð. Stórkostlegt mark.

Leiknisliðið er lið sem gaman er að spila á móti. Þeir hafa ekki margar "stjörnur" innan sinna raða en berjast alveg eins og grenjandi ljón. Þá er það auðvelt fyrir hvern mann að sjá að liðsandinn hjá þeim er sterkur og að enginn skortur er á leikgleðinni, sem eru ómetanlegir kostir fyrir lið að hafa og geta bætt ýmislegt annað upp. Þeir eiga bara eftir að fara vaxandi, spái ég.

Okkar lið spilaði þokkalega miðað við aðstæður og allir af vilja gerðir til að skila sínu og ná í stigin þrjú sem öllu skipta. Að því sögðu er það ekkert leyndarmál að draumur liðsins er að gera það með flottari bolta en hægt var að bjóða upp á í aðstæðum gærdagsins. Það verður þó bara bónus þegar það bætist við.

Áhorfendum þökkum við kærlega fyrir komuna. Þetta er allt á réttri leið hvað varðar stemmningu og allt svona starf skilar sér til okkar inn á völlinn. 

Efist ekki um það í eina sekúndu.

Áfram Grindavík.

Húni. 

 

 

 

 

 

 

 

Þrátt fyrir viðurnefnið sem gefið er í 

greininni er rétt að taka það fram að 

Mounir hleypur ekki svona. Hann er hér að

rífa sig á fætur eftir hörku-tæklingu. 

Stækkið myndina með því að smella á hana 

og sjáið viljann í svipnum á honum.

Frábært. 

GRINDAVÍK - LEIKNIR Í KVÖLD! Stuðningsmannaklúbbur hittist á Salthúsinu

 

 

 

 

 

 

 

 

 

 

 

Samkvæmt áreiðanlegum heimildum ætlar stuðningsmannaklúbburinn No Name (að minnsta kosti hef ég ekki enn heyrt af opinberum nafngiftum) að hittast á Salthúsinu kl. 18 í kvöld og hita upp fyrir leikinn mikilvæga gegn Leikni.

Ástæða er til að hvetja sem flesta til að mæta þar sem það þykir sannað að þeir sem eru í skipulögðum stuðningsmannaklúbbum skemmta sér miklu betur á vellinum en aðrir auk þess sem allir vita hversu sterkt afl samtakamátturinn getur verið. Þannig getur þú aukið þína ánægju og annara af því að fara á völlinn og bætt möguleika liðsins á góðum árangri um leið.

Gleymum því ekki að þeir sem eru í klúbbnum fá ódýrari miða á völlinn...... 

Frábært framtak. Er þetta nokkur spurning?

Áfram Grindavík! 

 

 

 

 

 

 

ÆTLARÐU EKKI AÐ ........MÆTA!?!?!?!?!

 

 

 

 

 

 

 

Ekki viljum við hafa þetta svona.....

 

 

 

 

 

 

 

 

Ray var í banni í síðasta leik og sleppti

sér auðvitað í stúkunni í staðinn.

Alvöru maður. 

 

 

 

 

 

 

 

 

Mynd gerð með sérstöku tölvuforriti sem

byggir á sögu, persónueinkennum, líkum

o.fl. Slegin voru inn orðin: "föstudagur,

Leiknir heima og Leifur Guðjóns" 

Forritið er enn í þróun. 

 

 

 

 

 

 

Fínasta stemmning myndaðist á stofnfundi

stuðningsmannaklúbbsins í síðustu viku,

þar sem Eiki Laufeyjar náði m.a. öðru sæti

í hopp-boltahlaupinu. 

 

 

 

 

 

 

Hérna erum við að tala um alvöru "stuðning" 

Hin hliðin á stuðningsmanni Grindavíkur

  Við fáum Jón Gauta til að ríða á vaðið í þessum lið okkar. Við reynum svo að vera virkir í þessu og vonum að allir taki jafn vel í þeta og Jón Gauti. Gauti átti ekki í vandræðum með svörin þó að hann hafi aðeins hikað á spurningunni um uppáhalds lið í enska boltanum.

 

Fullt nafn: Jón Gauti Dagbjartsson

 

Gælunafn:The Golden leftfoot, Alveg satt

 

Aldur: 36 og í þéttari kantinum

Giftur/sambúð:Giftur Irmý Rós Þorsteinsdóttur sem er reyndar keflvíkingur,en fanta flott kona,alveg klassi toppur

Börn:Einn Grindjáni, Sigurbjörn Elí 12 og einn keflvíking,Teitur Leon 7

 

Hvað eldaðir þú síðast?Karrý rétt frá mömmu,massa gott

 

Hvað vilt þú fá á pizzuna þína?pepperoni og grænpipar

Hvernig gemsa áttu?Nokia samloku, öll í steik

Uppáhaldssjónvarpsefni? Air crash investigation, National Geographic

Besta bíómyndin?Alive,ótrúleg mynd

Hvaða tónlist hlustar þú á?Allan fjandann, allt frá Britney beib upp í Godsmack og í þyngri kantinum, U2 alltaf bestir samt.  

Uppáhaldsútvarpsstöð?X-ið þegar hún næst annars rás 2 til 4 á daginn og þá Bylgjan

Uppáhaldsdrykkur?Gin og tonic X mikið

 

Uppáhaldsvefsíða ? Baggalútur

 

Ertu hjátrúarfullur fyrir leiki (ef já, hvernig þá?)?Já, fyrir úrslitaleiki í hádegisboltanum,þá set ég í brýrnar og sperri hornin á enninu á mér í stutta stund. Tapa mjög oft þessum leikjum!!!!!

Hvernig er best að pirra andstæðinginn?Með því að klobba hann, hefur einu sinni tekist, skuggalega gaman,gleymi því aldrei!!!!

 

Hvaða liði myndir þú aldrei spila með?Íslenska landsliðinu í handbolta, var einu sinni skallaður á tónleikum með Bonny Tyler í höllinni, það var vont og einhver þarf að svara fyrir það!!!

 

Hvert var átrúnaðargoð þitt á yngri árum?Steve Coppel,

Eg var hann oft á skólaplaninu, skoraði grimmt þá!!

Erfiðasti andstæðingur?Haukur Guðberg, var reyndar alltaf með mér í liði en var í marki, mörg töpin þá!!!!

EKKI erfiðasti andstæðingur?Það er eiginlega Haukur líka, skoraði grimmt framhjá honum á æfingum, happy days

Besti samherjinn?Theeeee Black Dave Miller, spilaði með honum út í henni Ameríku, skuggalegur fýr!!

 

Sætasti sigurinn?Þegar við í okkar bekk unnum Æsa bekk í skólmóti eitt árið, ég var svakalegur!!

Mestu vonbrigði?Að hafa ekki fengið sénsinn með aðalliði Grindavikur,,, aldrei!!

Uppáhalds lið í enska boltanum? MAN UTD, væntanlega

Uppáhaldsknattspyrnumaður?Mario Kempes,algjört sjarmatröll!

Besti íslenski knattspyrnumaðurinn fyrr og síðar? Maður komst svosem ekkert áleiðis í þessu,Ásgeir Sigurvins..

 

Efnilegasti knattspyrnumaður landsins? Ég vil nú trúa því að ég sé nú efnilegur ennþá........................

Fallegasti knattspyrnumaðurinn í deildinni? Ekki spurning. Súper sjöan á þetta, Óli Stefán.

 

Fallegasta knattspyrnukonan? Sá einu sinni fótbolta fyrir framan tengdamóðir mina, Rúnu Guðjóns úr kefló, fór henni vel, ég segi hún!!

Grófasti leikmaður deildarinnar? Hlýtur að vera Mike, hann er svo sætur eitthvað....algjört rassgat!!!

Besti íþróttafréttamaðurinn? Þorsteinn Gunnars,engin keppni þar.

EKKI besti íþróttafréttamaðurinn? Vil ekki særa neinn, en Janko gæti orðið forvitnilegur í því starfi!!!

 

Hver er mesti höstlerinn í liðinu? Hlýtur að vera Mike, hann er eitthvað svo mikið rassgat

Hefurðu skorað sjálfsmark? Já, þarf ég segja frá þeim öllum....

 

Segðu okkur frá skemmtilegu atviki sem gerst hefur í leik:Þegar ég var eitthvað um 12 ára var ég einu sinni dekka eitthvað fífl í horni og prumpaði, hann var eitthvað fúll og bað mig að dekka einhvern annann, og ég gerði það!!

 

Spilar þú Championship Manager tölvuleikinn? Nei, ég er 36 ára gamall

 

Hvenær lékstu þinn fyrsta leik með meistaraflokki?Hverslags bull spurning er þetta, á nudda manni upp úr þessu, ég hef aldrei spilað leik með meistaraflokk, common

 

Hvernig finnst þér Fótbolti.net? Virkilega góður miðill, einn af fáum sem maður treystir

 

Kíkir þú oft á Fótbolti.net?Væntanlega

 

Ef þú mættir breyta einni reglu í fótbolta, hverju myndir þú breyta?Engu, þetta er fínt svona

 

Hvern vildir þú sjá á sviði? (tónleikum) The Police

 

Hvað finnst þér leiðinlegast að gera á æfingu? Að reyna að teygja á, vil ekki meiðast!!!

 

Hver er frægasta persónan sem þú ert með í farsímanum þínum? Lee Sharpe

 

Hver er uppáhaldsstaðurinn þinn í öllum heiminum?Grindavík,fínt að kíkja annað, en bara í stutta stund í einu

 

Hversu lengi ertu að koma þér í gang á morgnanna? Byrja yfirleitt að hlæja rétt áður en kukkan hringir

 

Hver er uppáhaldsÍÞRÓTTAMAÐURINN þinn? Konan mín, þegar hún er í rétta gírnum!!!

 

Fyrir utan knattspyrnu, fylgist þú með öðrum íþróttum? Já,körfubolta, við tökum dollurnar næst

 

Hver er uppáhalds platan þín? WAR U2, hrein snilld

 

Hvenær borgaðir þú þig síðast inn á knattspyrnuleik?Síðastliðið mánudagskvöld á stjörnuvellinum

 

Í hvernig fótboltaskóm spilar þú? Fer eftir hvernig gír ég er í. Ef Rooney gír, þá Nike

 

Í hverju varstu/ertu lélegastur í skóla?Eðlisfræði, heiftarleg steypa.

 

 

Óli Stefán

 

Grindavík-Leiknir

Á morgun spilum við fyrsta heimaleik okkar og er það við strákana úr efta Breiðholti. Leiknir R er spáð neðarlega í deildinni en ég sá þá spila við KR í Reykjavíkurmótinu og í þeim leik sá maður að þetta er hörku lið sem alls ekki á að vanmeta. Hér er hægt að sjá umfjöllun fyrir leikinn á þeirra heimasíðu.

Núna ætlum við að byrja með lið sem heitir því frumlega nafnir hin hliðin. Þarna er verið að apa upp eftir fotbolta.net. Ég fékk spurningalistann frá þeim með góðfúslegu leyfi Magnúsar Einarssonar ritsjóra þeirra og þökkum við þeim kærlega fyrir það. Við ætlum ekki að yfirheyra leikmenn heldur stuðningsmenn okkar og ráðumst við ekki á garðinn þar sem hann lægstur því meistari Jón Gauti Dagbjartsson ætlar að byrja. Hin hliðin á stuðningsmönnum Grindavíkur hefst semsagt innan skamms

Óli Stebbi

Sigur í fyrsta leik

Það var nátturlega bara gaman að vera Grindvíkingur í gær. Sigur í fyrsta leik bæði inná vellinum og í stúkunni. Ég er nokkuð viss um að þetta á bara eftir að verða betra og skemmtilegra. Leikurinn var ágætur eftir frekar máttlausa byrjun. Liðsandinn og stemmningin var frábær en það eru einmitt þessir þættir sem verða að vera í toppstandi ef vel á að ganga. Nýr stuðningsmannaklúbbur sýndi þarna nákvæmlega hvernig á að gera þetta. Þó að það hafi ekki endilega verið margir í klúbbnum þá smita þeir rosalega út frá sér þannig að úr varð hin besta skemmtun. Við leikmenn þökkum auðmjúkir stuðninginn og vonum svo sannarlega að hann verði eins á föstudag á móti Leikni R

Óli Stebbi