Mfl. kk. Grindavík

Það urðu tveir keppendur efstir og jafnir í getraunaleiknum.

Það voru þau Sigrún Hauksdóttir og Emil Daði Símonarson. En þau fengu bæði 9 rétta.

Það er því ljóst að haldinn verður bráðabani á milli þeirra tveggja og verður hann auglýstur hér á síðunni.

Það á einnig eftir að draga út happdrættisvinninga og koma upplýsingar um vinningshafa að því loknu hér inn.

Lokastöðuna má sjá með því að smella á linkinn hér að neðan.

Nú er komið að Getraunaleiknum okkar.  Fyrstu leikirnir eru um næstu helgi og er hægt að nálgast seðilinn hjá leikmönnum meistaraflokks.  Í fyrra vorum við með um 2oo þátttakendur og er stefnan tekin á að endurtaka þann leik.  Það var gríðarleg spenna í fyrra og voru 11 spilarar jafnir og þurfti að fá bráðabana til að knýja fram úrslit.  Staðan verður sett upp hér jafnóðum og leikirnir spilast og væri það mjög gaman ef það væri hægt að fá góða stemningu og góða umræðu hér um leikinn.  Vinningarnir eru mjög góðir og eins verður dregið úr happadrætti.

vinurinn

Ekki var nú það nein frægðarför sem við fórum í Keflavík á laugardaginn til að spila við Blikana í okkar fyrsta leik í Lengjubikarnum.  leikar enduðu með 5 - 1 tapi og skoraði Undra steinn mark okkar eftir hornspyrnu.  Við spiluðum ágætlega fyrstu 60 mínúturnar í leiknum en eftir það þá hrundi leikur okkar eins og spilaborg og við gáfum þeim allt of ódýr mörk í lokin.  Næsti leikur okkar er um næstu helgi á móti Selfoss í Reykjaneshöllinni og þá lofa ég betri spilamennsku hjá okkur.  Liðið var eftirfarandi. Magnús Þormar í markinu, vörnin var Ray, Jobbi, Markó og Ási á miðjunni voru Scotty, Alex, Jói og Orri og frammi voru Palli og Andri.  Inná komu svo Svenni, Óli Baldur, Óli Daði.  Eysteinn og Bogi voru fjarverandi vegna veikinda og meiðsla.

kveðja Vinurinn

Já við byrjuðum á mánudaginn á nýju æfingarprógrammi hjá þeim félögum jankó og dragan, æfingarnar samanstanda af styrktaræfingum og tempóhlaupum í nýju höllinni okkar.  Það er ekki laust við að maður sé eitthvað hálfstífur og slappur þessa daganna eftir þessar æfingar.  þeir ætla að koma okkur í flott form fyrir utanlandsferðina í apríl þannig að við ættum bara að geta spilað og haft gaman þarna úti í portugal og spurning hvort maður fái ekki að kíkja aðeins á golfvellina í leiðinni.

heyrst hefur......

jói helga sást í rúmfatalagernum að kaupa sér vettlinga

Eysteinn og Svenni eru búnir að stofna umræðuklúbb

Alex og Bogi fóru saman og keyptu sér klukku

Undrasteinn hefur sett markið á 30 stoddara í sumar

Fjarðarbyggð hefur fengið góðan liðsstyrk því Grindvíkingurinn Guðmundur Andri Bjarnason hefur skrifað undir samning við félagið.

Guðmundur hætti hjá Grindavík eftir tímabilið og mun leika með Fjarðarbyggð næstu þrjú tímabilin.

Guðmundur Andri er 26 ára gamall og á að baki 67 leiki í Landsbankadeild karla og hefur skorað í þeim fjögur mörk. Hann á enn tvö ár eftir af samningi sínum hjá Grindavík.

Hann lék 11 leiki með Grindavík í 1. deildinni í sumar og skoraði í þeim eitt mark. Auk þess lék hann tvo leiki með liðinu í VISA bikarnum.

Svo er það bara spurningin hvað Ray gerir í herbergismálum í portugal fyrst að Mundi er farinn.

en við leikmenn óskum honum að sjálfsögðu alls hins besta í framtíðinni.

kveðja vinurinn